ຂປລ
ເມືອງໂອຊາກາ ຂອງ ຍີ່ປຸ່ນ ປະກາດຫ້າມສູບຢາ ຢູ່ສາທາລະນະ ,ເປັນສ່ວນໜຶ່ງ ຂອງ ຄວາມພະຍາຍາມ ໃນການສ້າງຄວາມ ເປັນມິດ ຕໍ່ນັກທ່ອງທ່ຽວ ຫລາຍຂຶ້ນ ກ່ອນເຖິງ ງານວາງສະແດງ ເວີລ ເອັກໂປ 2025 ຫລື ເອັກໂປ 2025 ຫລື ນິເທດສະການໂລກປະຈຳປີ 2025.
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ໂຕກຽວ ປະເທດຍີ່ປຸ່ນ ເມື່ອວັນທີ 28 ມັງກອນ 2025, ເມືອງໂອຊາກາ ຂອງ ຍີ່ປຸ່ນ ປະກາດຫ້າມສູບຢາ ຢູ່ສາທາລະນະ ,ເປັນສ່ວນໜຶ່ງ ຂອງ ຄວາມພະຍາຍາມ ໃນການສ້າງຄວາມ ເປັນມິດ ຕໍ່ນັກທ່ອງທ່ຽວ ຫລາຍຂຶ້ນ ກ່ອນເຖິງ ງານວາງສະແດງ ເວີລ ເອັກໂປ 2025 ຫລື ເອັກໂປ 2025 ຫລື ນິເທດສະການໂລກປະຈຳປີ 2025. ໂດຍມີປະເທດຕ່າງໆ ແລະ ພາກພື້ນ ປະມານ 160 ແຫ່ງ ເຂົ້າຮ່ວມງານນີ້ ຊຶ່ງຈະຈັດຂຶ້ນ ໃນທຸກ 5 ປີ ຢູ່ຕາມສະຖານທີ່ຕ່າງໆ ທົ່ວໂລກ. ຄາດວ່າ ງານວາງສະແດງນີ້ ຈະເລີ່ມຂຶ້ນ ໃນເດືອນ ເມສານີ້.
ດັ່ງນັ້ນ ຍີ່ປຸ່ນ ຢາກເຮັດໃຫ້ ໂອຊາກາ ເປັນເມືອງ ທີ່ ປອດຄວັນຢາສູ ຢູ່ຕາມຖະໜົນ. ກ່ອນໜ້ານີ້ ເທດສະບານເມືອງ ໂອຊາກາ ປະກາດ ຫ້າມສູບຢາ ໃນພື້ນທີ່ 6 ແຫ່ງ ລວມເຖິງ ບໍລິເວນ ສະຖານນີ ໂອຊາກາ. ປັດຈຸບັນ ເຂດດັ່ງກ່າວ ຫ້າມສູບຢາ ຄວບຄຸມທົ່ວເມືອງແລ້ວ ແລະ ຜູ້ໃດຝ່າຝືນ ຈະຖືກປັບໃໝເງິນ 1.000 ເຢນ.
ເລີ່ມແຕ່ເດືອນເມສາ ເປັນຕົ້ນໄປ ແຂວງໂອຊາກາ ໂດຍລວມ ຈະຫ້າມສູບຢາ. ຢູ່ຕາມຮ້ານອາຫານ, ຈະມີພື້ນທີ່ນັ່ງ ຂະໜາດໃຫຍ່ກວ່າ 30 ກິໂລຕາແມັດ , ເຖິງແມ່ນວ່າ ການສູບຢາ ໃນພື້ນທີ່ ແຍກຕ່າງຫາກ ເຊັ່ນ: ຫ້ອງສູບຢາ ຈະໄດ້ຮັບອະນຸຍາດກໍ່ຕາມ. /
KPL
