ຂປລ
ກົມການເມືອງ ສູນກາງພັກ ກອມມູນິດຈີນ ໄດ້ຈັດກອງປະຊຸມ ພາຍໃຕ້ ການເປັນປະທານຂອງ ທ່ານ ສີ ຈິ້ນຜິງ, ເລຂາ ທິການໃຫຍ່ ຄະນະກຳມະການ ສູນກາງພັກ ກອມມູນິດຈີນ ເພື່ອຄົ້ນຄວ້າ ບັນຫາສຳຄັນ ໃນການສ້າງແຜນ ພັດທະນາ ເສດຖະກິດ-ສັງຄົມແຫ່ງຊາດ 5 ປີຄັ້ງທີ 15.
ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ວັນທີ 29 ກັນຍານີ້, ກົມການເມືອງ ສູນກາງພັກ ກອມມູນິດຈີນ ໄດ້ຈັດກອງປະຊຸມ ພາຍໃຕ້ ການເປັນປະທານຂອງ ທ່ານ ສີ ຈິ້ນຜິງ, ເລຂາ ທິການໃຫຍ່ ຄະນະກຳມະການ ສູນກາງພັກ ກອມມູນິດຈີນ ເພື່ອຄົ້ນຄວ້າ ບັນຫາສຳຄັນ ໃນການສ້າງ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 15. ກອງປະຊຸມ ໄດ້ຕົກລົງວ່າ: ກອງປະ ຊຸມ ຄົບຄະນະ ຄັ້ງທີ 4 ຂອງຄະນະກຳມະການ ສູນກາງພັກ ກອມມູນິດຈີນ ສະໄໝທີ 20 ຈະຈັດຂຶ້ນ ລະຫວ່າງ ວັນທີ 20-23ຕຸລາ2025 ຢູ່ນະຄອນຫລວງ ປັກກິ່ງ. ກົມການເມືອງ ສູນກາງພັກກອມ ມູນິດຈີນ ໄດ້ຮັບຟັງບົດລາຍງານ ຜົນຂອງການທາບທາມ ຄຳຄິດຄຳເຫັນ ໃນຂອບເຂດໃດໜຶ່ງ ຢູ່ພາຍໃນ ແລະ ນອກພັກ ຕໍ່ຮ່າງຄຳແນະນຳ ຂອງສູນກາງພັກ ກອມມູນິດຈີນ ກ່ຽວກັບ ການສ້າງ ແຜນພັດ ທະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 15, ພ້ອມທັງ ຕົກລົງອີງໃສ່ ຄຳຄິດຄຳເຫັນ ຈາກການປຶກສາຫາລື ໃນກອງປະຊຸມຄັ້ງນີ້ ເພື່ອປັບປຸງຮ່າງເອກະສານ ດັ່ງກ່າວແລ້ວ ນຳສະເໜີຕໍ່ ກອງປະ ຊຸມ ຄົບຄະນະ ຄັ້ງທີ 4 ຂອງຄະນະກຳມະການສູນກາງພັກ ກອມມູນິດຈີນ ສະໄໝທີ 20 ພິຈາລະນາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
