ຂປລ
ຂປລ. ຕາມຂ່າວຕ່າງປະເທດ,ວັນທີ17ເດືອນກັນຍາ, ທະນາຄານໂລກ ຫລື World Bank ໄດ້ອະນຸມັດເງິນ ຈຳນວນ 105 ລ້ານໂດລາສະຫະລັດ ໃນວັນທີ 16 ເດືອນກັນຍານີ້ ເພື່ອສະໜັບສະໜຸນໃນການຕ້ານ ແລະ ຢຸດຕິການແພ່ລະບາດຂອງພະຍາດອີໂບລາ ໃນອາຟຣິກກາຕາເວັນຕົກ. ຄາດວ່າ ອາດຕ້ອງໃຊ້ເງິນຫລາຍກວ່າຈຳນວນ 1 ຕື້ໂດລາສະຫະລັດ
ຂປລ. ຕາມຂ່າວຕ່າງປະເທດ,ວັນທີ17ເດືອນກັນຍາ,
ທະນາຄານໂລກ ຫລື World Bank ໄດ້ອະນຸມັດເງິນ ຈຳນວນ 105
ລ້ານໂດລາສະຫະລັດ ໃນວັນທີ 16 ເດືອນກັນຍານີ້
ເພື່ອສະໜັບສະໜຸນໃນການຕ້ານ ແລະ ຢຸດຕິການແພ່ລະບາດຂອງພະຍາດອີໂບລາ
ໃນອາຟຣິກກາຕາເວັນຕົກ. ຄາດວ່າ ອາດຕ້ອງໃຊ້ເງິນຫລາຍກວ່າຈຳນວນ 1
ຕື້ໂດລາສະຫະລັດ ເພື່ອຢຸດຢັ້ງການແພ່ລະບາດຂອງພະຍາດດັ່ງກ່າວ,
ຫລ້າ ສຸດຈຳນວນຜູ້ເສຍຊີວິດຈາກພະຍາດອີໂບລາ ໃນ 5 ປະເທດອາຟຣິກ
ທາງພາກາຕາເວັນຕົກ ລວມມີຈຳນວນທັງໝົດ 2.461ຄົນ
ຈາກຜູ້ຕິດເຊື້ອຈຳນວນເກືອບ 5.000 ຄົນ.
ທ່ານ ຈິມຍອງຄິມ
ປະທານທະນາຄານໂລກ ກ່າວວ່າ: ປະເທດ ຣີເບີລີ
ຖືເປັນປະເທດທີ່ໄດ້ຮັບຜົນກະທົບຫລາຍທີ່ສຸດ
ຈະໄດ້ຮັບບ້ວງເງິນຈຳນວນ 52 ລ້ານໂດລາສະຫະລັດ, ເຊຍຣາເລອອນ 28
ລ້ານໂດລາສະຫະລັດແລະ ກີເນ 25 ລ້ານໂດລາສະຫະລັດ.
ຈຸດປະສົງຕົ້ນຕໍຂອງບ້ວງເງິນນີ້ ແມ່ນເພື່ອຊ່ວຍເຫລືອປະຊາຊົນ
ໃນການຮັບມືກັບຜົນກະທົບດ້ານເສດຖະກິດ ຈາກເຫດການດັ່ງກ່າວ ກໍຄື
ເສີມສ້າງຄວາມເຂັ້ມແຂງໃຫ້ແກ່ ລະບົບສາທາລະນະສຸກ
ເພື່ອປ້ອງກັນການແພ່ລະບາດ ໃນອະນາຄົດ
ພ້ອມທັງເປັນການຊ່ວຍໃຫ້ລັດຖະບານຂອງບັນດາປະເທດໄດ້ຈັດກຽມອາຫານ
ແລະ ນ້ຳໃນສະຖານທີ່ກັກກັນ ແລະ
ພື້ນຕ່າງໆທີ່ໄດ້ຮັບຜົນກະທົບຢ່າງຮຸນແຮງ./.
KPL
