ຂປລ
ຂປລ. ກອງປະຊຸມຜູ້ບໍລິຫານການສຶກສາລະດັບສູງ ຂອງ ໜ່ວຍງານວິຊາການຂະແໜງການສຶກສາ (ESWG) ເພື່ອປຶກ ສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບຄວາມຄືບ ໜ້າບັນຫາສິ່ງທ້າທາຍ ຂອງໜ່ວຍງານວິຊາການຂະແໜງ ການສຶກສາ
ຂປລ. ກອງປະຊຸມຜູ້ບໍລິຫານການສຶກສາລະດັບສູງ ຂອງໜ່ວຍງານວິຊາການຂະແໜງການສຶກສາ (ESWG) ເພື່ອປຶກສາຫາລື ແລະ ແລກປ່ຽນຄຳຄິດ ຄຳເຫັນກ່ຽວກັບຄວາມຄືບໜ້າບັນຫາສິ່ງທ້າທາຍຂອງໜ່ວຍງານວິຊາການຂະ ແໜງການສຶກສາ ເພື່ອປະກອບເຂົ້າໃນບົດລາຍງານຂອງກອງປະຊຸມໂຕະມົນ ປະຈຳປີ 2014 ຈະຈັດຂຶ້ນວັນທີ 14 ເດືອນພະຈິກ ປີ2014 ທີ່ໂຮງແຮມດອນຈັນພາເລດ ພ້ອມຍັງໄດ້ຮັບຟັງການລາຍງານ ຄວາມຄືບໜ້າ ແລະ ຮັບຮອງເອົາຂະບວນການສ້າງແຜນພັດທະນາຂະແໜງການສຶກສາ ແລະ ກິລາຄັ້ງທີ VIII (2016-2020) ແລະ ຍັງຈະໄດ້ຮັງຮອງເອົາເອກະສານ ສະເໜີໂຄງການເພື່ອຂໍທຶນການສະໜັບສະໜູນ ໃຫ້ແກ່ການສ້າງແຜນພັດທະນາຂະແໜງການທີ່ກ່ຽວຂ້ອງຈາກກອງທຶນ ຮ່ວມສາກົນເພື່ອການສຶກສາ.
ທ່ານດຣ.ພັນຄຳ ວິພາວັນ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ ກ່າວວ່າ: ບັນດາຄູ່ຮ່ວມພັດທະນາ ໃນໄລຍະຜ່ານມາ ໄດ້ເຮັດໃຫ້ການພັດທະນາການສຶກສາ ແລະ ກິລາ ການດດຳເນີນການປະຕິຮູບລະບົບການສຶກສາແຫ່ງຊາດ ແລະ ການປັບປຸງ ວຽກງານກິລາກາຍະກຳ ເປັນການພັດທະນາຊັບພະຍາກອນມະນຸດຂອງ ສປປ ລາວ ໄດ້ມີຜົນສຳເລັດຫລາຍດ້ານນັບທັງດ້ານການບັນລຸເປົ້າໝາຍສະຫັດ ສະວັດດ້ານການພັດທະນໃນປີ 2015 ຜົນສຳເລັດດັ່ງກ່າວນຍ້ອນຫລາຍປັດໄຈທັງພາຍໃນ ແລະ ພາຍນອກທີ່ເປັນພື້ນຖານແມ່ນລັດຖະບານ ແຫ່ງ ສປປ ລາວ ໄດ້ມີນະໂຍບາຍທີ່ຈະແຈ້ງໃນການພັດທະນາຂະແໜງການສຶກສາ ແລະ ກິລາ ເອົາວຽກງານການສຶກສາ ແລະ ກິລາເຂົ້າເຖິງກຸ່ມຄົນນັບ ທັງເພດຍິງຊົນເຜົ່າ ແລະ ຜູ້ດ້ອຍໂອກາດພ້ອມດຽວກັນນັ້ນລັດຖະບານ ກໍມີຄວາມພະຍາຍາມເພີ່ມການລົງທຶນໃສ່ການສຶກສາ ແລະ ກິລາຕາມເງື່ອນໄຂ ແລະ ຄວາມສາມາດຂອງລັດຖະບານໃນຄະນະດຽວກັນປະຊາຊົນລາວ ບັນດາເຜົ່າກໍເປັນເຈົ້າການປະກອບສ່ວນຢ່າງຕັ້ງໜ້າ ເຂົ້າໃນການພັດທະນາ ການສຶກສາ ແລະ ກິລາກໍຄືພັດທະນາຕົນເອງໃຫ້ມີການຫັນປ່ຽນທີ່ດີຂຶ້ນບັນດາຄູ່ຮ່ວມ ພັດທະນາໄດ້ໃຫ້ການສະໜັບສະໜູນທາງດ້ານງົບປະມານ ແລະ ວິຊາການດ້ານຕ່າງໆ.
ໃນຕອນທ້າຍກອງປະຊຸມໄດ້ມີການປຶກສາຫາລື ແລກປ່ຽນຄຳຄິດຄຳເຫັນຮ່ວມກັນ ເພື່ອຊອກຫາວິທີທາງແກ້ໄຂຮ່ວມກັນ ເພື່ອເຮັດໃຫ້ວຽກງານການສຶກສາ ແລະ ກິລາ ກໍຄືວຽກງານການພັດທະນາຊັບພະຍາກອນມະນຸດຂອງ ສປປ ລາວ ໃຫ້ມີການຫັນປ່ຽນທີ່ມີຄຸນນະພາບສູງຂຶ້ນເທື່ອລະກ້າວ.
ກອງປະຊຸມໄດ້ຈັດຂຶ້ນວັນທີ 5 ເດືອນພະຈິກປີ 2014 ນີ້ຢູ່ທີ່ໂຮງແຮມລາວພຣາຊາ ນະຄອນຫລວງວຽງຈັນ ໂດຍເປັນປະທານຂອງ ທ່ານ ດຣ.ພັນຄຳ ວິພາວັນ ຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກສາທິການ ແລະ ກິລາ, ທ່ານ ຈອນ ວິລຽມ ເອກອັກຄະຣາຊະທູດຜູ້ມີອຳນາດເຕັມ ແຫ່ງປະເທດ ອົດສະຕາລີປະຈຳ ສປປ ລາວ, ມີບັນດາລັດຖະມົນຕີຊ່ວຍວ່າການ, ຫົວໜ້າຫ້ອງການຫົວໜ້າກົມ, ຮອງກົມ, ຜູ້ອຳນວຍການ, ສະຖາບັນ ຈາກກະຊວງສຶກສາທິການ ແລະ ກິລາ ແລະ ກະຊວງອ້ອມຂ້າງສູນກາງຕາງໜ້າອົງການຈັດຕັ້ງສາກົນເຂົ້າຮ່ວມ.
KPL
