ຂປລ
ຂປລ. ວັນທີ 1 ເດືອນຕຸລາ ປີ 2014 ນີ້ ຄະນະວິທະຍາສາດ-ສັງຄົມ ມະຫາວິທະຍາໄລແຫ່ງຊາດ ຮ່ວມກັບອົງການສະຫະປະຊາຊາດກອງທຶນ ສຳລັບປະຊາກອນ (UNFPA) ໄດ້ເປີດໂອກາດ ໃຫ້ນັກສຶກສາເຂົ້າຮ່ວມໃນການສະແດງທັດສະນະ ແລະ ຄວາມຄິດ-ຄວາມເຫັນ ຂອງຕົນກ່ຽວກັບການ ພັດທະນາຊາວໜຸ່ມໂດຍການຈັດການແຂ່ງຂັນໂຕ້ວາທີ ພາຍໃຕ້ຫົວຂໍ້ “ການພັດທະນາໄວໜຸ່ມ”.
ຂປລ. ວັນທີ 1 ເດືອນຕຸລາ ປີ 2014 ນີ້ ຄະນະວິທະຍາສາດ-ສັງຄົມ ມະຫາວິທະຍາໄລແຫ່ງຊາດ ຮ່ວມກັບອົງການສະຫະປະຊາຊາດກອງທຶນ ສຳລັບປະຊາກອນ (UNFPA) ໄດ້ເປີດໂອກາດ ໃຫ້ນັກສຶກສາເຂົ້າຮ່ວມໃນການສະແດງທັດສະນະ ແລະ ຄວາມຄິດ-ຄວາມເຫັນ ຂອງຕົນກ່ຽວກັບການ ພັດທະນາຊາວໜຸ່ມໂດຍການຈັດການແຂ່ງຂັນໂຕ້ວາທີ ພາຍໃຕ້ຫົວຂໍ້ “ການພັດທະນາໄວໜຸ່ມ”.
ການສະແດງທັດສະນະ ຫລື ການໂຕ້ວາທີດັ່ງກ່າວ ມີຜູ້ເຂົ້າຮ່ວມທັງໝົດ 18 ຄົນ ຈາກ 6 ຄະນະໃນມະຫາວິທະຍາໄລແຫ່ງຊາດ ເຊັ່ນ: ຄະນະ ວິທະຍາສາດ-ສັງຄົມ, ຄະນະເສດຖະສາດ-ບໍລິ ຫານທຸລະກິດ, ຄະນະອັກສອນສາດ, ຄະນະສິ່ງແວດລ້ອມ, ຄະນະສຶກສາສາດ ແລະ ຄະນະວິທະຍາ ສາດທຳມະຊາດ, ເຊິ່ງຫົວຂໍ້ທີ່ນຳມາໂຕ້ວາທີຄັ້ງນີ້ປະກອບມີ: ໄວໜຸ່ມ ແລະ ການມີສ່ວນຮ່ວມ; ການຮຽນຮູ້ກ່ຽວກັບສຸຂະພາບທາງເພດ ແລະ ສຸຂະພາບ ຈະເລີນພັນ ແລະ ການໃຫ້ບໍລິການສຸຂະພາບ ທາງເພດ ແລະ ສຸຂະພາບຈະເລີນພັນ.
ການໂຕ້ວາທີໃນຄັ້ງນີ້, ເປັນການສ້າງໂອກາດທີ່ດີໃຫ້ແກ່ນັກສຶກສາເພື່ອເສີມສ້າງທັກສະໃນການຄົ້ນຄວ້າ, ວິເຄາະ ແລະ ທັກສະການເວົ້າໃນສາທາ ລະນະທັງເປັນການເພີ່ມຄວາມຮັບຮູ້ ແລະ ຄວາມເຂົ້າໃຈຂອງນັກສຶກສາຕໍ່ບັນຫາໄວໜຸ່ມ ແລະ ການພັດທະນາ, ເປັນການເປີດໂອກາດໃຫ້ໄວໜຸ່ມ ໄດ້ສະແດງທັດສະນະຄະຕິ ແລະ ຄວາມຄິດເຫັນຂອງຕົນຕໍ່ກັບບັນຫາທີ່ກ່ຽວຂ້ອງກັບເຂົາເຈົ້າເອງ./.
KPL
