ຂປລ
ຂປລ. ເຈົ້າໜ້າທີ່ອາວຸໂສທາງດ້ານວິທະຍາສາດ ແລະ ເຕັກໂນໂລຊີ ລາວ-ໄທ ໄດ້ຮ່ວມກັນປຶກ ສາຫາລື ກ່ຽວກັບການກຳນົດທິດທາງ, ໂຄງການ ຫລື ກິດຈະກຳການຮ່ວມມື, ກົນໄກ ແລະ ວິທີການໃນການຈັດຕັ້ງປະຕິບັດໃນຕໍ່ໜ້າ ໃນກອງປະຊຸມເຈົ້າໜ້າທີ່ອາວຸໂສ ດ້ານວິທະຍາສາດ ແລະ ເຕັກໂນໂລຊີ ລາວ-ໄທ ເຊິ່ງຈັດຂຶ້ນໃນວັນທີ 27 ເດືອນພະຈິກ ປີ 2014
/7017lao2.jpg)
ຂປລ. ເຈົ້າໜ້າທີ່ອາວຸໂສທາງດ້ານວິທະຍາສາດ ແລະ ເຕັກໂນໂລຊີ ລາວ-ໄທ ໄດ້ຮ່ວມກັນປຶກ ສາຫາລື ກ່ຽວກັບການກຳນົດທິດທາງ, ໂຄງການ ຫລື ກິດຈະກຳການຮ່ວມມື, ກົນໄກ ແລະ ວິທີການໃນການຈັດຕັ້ງປະຕິບັດໃນຕໍ່ໜ້າ ໃນກອງປະຊຸມເຈົ້າໜ້າທີ່ອາວຸໂສ ດ້ານວິທະຍາສາດ ແລະ ເຕັກໂນໂລຊີ ລາວ-ໄທ ເຊິ່ງຈັດຂຶ້ນໃນວັນທີ 27 ເດືອນພະຈິກ ປີ 2014 ທີ່ນະຄອນຫລວງວຽງຈັນ ພາຍໃຕ້ການເປັນປະທານຮ່ວມຂອງ ທ່ານ ມະໄລທອງ ກົມມະສິດ ຫົວໜ້າກົມແຜນການ ແລະ ການຮ່ວມມື ກະ ຊວງວິທະຍາສາດ ແລະ ເຕັກໂນໂລຊີ ແຫ່ງ ສປປ ລາວ ແລະ ທ່ານ ດຣ. ວິລະພົງ ແພສຸວັນ ຫົວໜ້າຫ້ອງການ ກະຊວງວິທະຍາສາດ ແລະ ເຕັກໂນໂລຊີ ແຫ່ງຣາຊະອານາຈັກໄທ.
ທ່ານ ມະໄລທອງ ກົມມະສິດ ໄດ້ໃຫ້ຮູ້ວ່າ: ການຈັດກອງປະຊຸມເຈົ້າໜ້າທີ່ອາວຸໂສ ຄັ້ງນີ້ ເປັນການທົບທວນຄືນຄວາມຄືບໜ້າໃນການຈັດຕັ້ງປະຕິບັດບັນດາຂໍ້ຕົກລົງທີ່ສອງຝ່າຍ ເປັນເອກະພາບກັນໃນກອງປະຊຸມເຈົ້າໜ້າທີ່ອາວຸໂສດ້ານວິທະຍາສາດ ແລະ ເຕັກໂນໂລຊີ ຄັ້ງທີ 6 ເຊິ່ງຈັດຂຶ້ນໃນ ເດືອນສິງຫາ ປີ 2013 ຜ່ານມາ ທີ່ຣາຊະອານາຈັກໄທ; ບັນດາໂຄງການ ແລະ ກິດຈະກຳຮ່ວມມືທີ່ໄດ້ຈັດຕັ້ງປະຕິບັດຮ່ວມກັນໃນໄລຍະຜ່ານມາ. ໃນກອງປະຊຸມໄດ້ມີການປຶກສາຫາລືກັນໃນຫລາຍຫົວຂໍ້ ເປັນຕົ້ນ ແມ່ນວຽກງານມາດຕະຖານ, ວັດແທກ ແລະ ການກວດສອບ; ວຽກງານບໍລິຫານຈັດການ ແຫລ່ງນ້ຳ; ວຽກງານດ້ານຊີວະນາໆພັນ ແລະ ເຕັກໂນໂລຊີ ຊີວະພາບ; ວຽກງານເຕັກໂນໂລຊີ ຊີນໂຄຣຕຣອນ (Synchrotron Technology); ວຽກງານສວນອຸທິຍານວິທະຍາສາດ; ວຽກງານດາລາ ສາດ; ວຽກງານນິວເຄຣຍ ແລະ ຄວາມປອດໄພທາງດ້ານລັງສີ; ວຽກງານພະລັງງານທົດແທນ, ວຽກງານເຕັກໂນໂລຊີ ອະວະກາດ, ສືບຢັ່ງທາງໄກ; ລະບົບທໍລະນີວິທະຍາ ແລະ ຂົງເຂດວຽກງານອື່ນໆທີ່ໜ້າສົນໃຈ.
KPL
