ຂປລ
ຊ້ອມໃຫຍ່ການສະແດງພິທີເປີດການແຂ່ງຂັນ ງານມະຫະກໍາກິລາແຫ່ງຊາດຄັ້ງທີ 10 ຫລື ອຸດົມໄຊເກມ ຈັດຂຶ້ນໃນຕອນແລງ ວັນທີ 9 ທັນວາ 2014 ນີ້ຢູ່ ສະໜາມກິລາ ໃໝ່ຂອງແຂວງອຸດົມໄຊ
ຂປລ.ຊ້ອມໃຫຍ່ການສະແດງພິທີເປີດການແຂ່ງຂັນງານມະຫະກໍາກິລາແຫ່ງຊາດຄັ້ງທີ 10 ຫລື ອຸດົມໄຊເກມ ຈັດຂຶ້ນໃນຕອນແລງວັນທີ 9 ທັນວາ 2014 ນີ້ຢູ່ ສະໜາມກິລາໃໝ່ຂອງແຂວງອຸດົມໄຊເຂົ້າຮ່ວມຮັບຊົມການສະແດງໃນຄັ້ງນີ້ ມີທ່ານ ດຣ ພັນຄໍາ ວິພາວັນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກສາທິການແລະກິລາ, ທ່ານ ຄຳຫລ້າ ລິ້ງນະສອນ ເຈົ້າແຂວງອຸດົມໄຊ,ມີບັນດາການນຳແຂວງ,ຄະນະກຳມະການຮັບຜິດຊອບຝ່າຍຕ່າງຕະ ຫລອດຮອດພໍ່ແມ່ປະຊາຊົນຊາວແຂວງອຸດົມໄຊ. ການສະແດງ ຄັ້ງນີ້ແມ່ນ ເປັນການ ສະ ແດງໃຫຍ່ຂອງຄະນະຮັບຜິດຊອບກໍຄືນັກສະແດງທັງໝົດ ເພື່ອເປັນການທົດ ສອບຄວາມ ພ້ອມໃນທຸກດ້ານ ຂອງນັກສະແດງແຕ່ລະກຸ່ມ ກ້ອນ ກ່ອນຈະມີການ ສະແດງຕົວຈິງໃນ ພິທີເປີດການແຂ່ງຂັນງານມະຫະກຳກິລາດັ່ງກ່າວຢ່າງເປັນທາງການໃນວັນທີ 13 ທັນວາ 2014ນີ້ ສຳລັບລາຍການທີ່ເຈົ້າພາບ ນຳມາສະແດງໃນພິທີເປີດ ແລະປິດໃນຄັ້ງນີ້ແມ່ນ ມີທັງໝົດ 7ລາຍການ ເຊິ່ງລາຍການທີ່ຈະສະແດງໃນພິທີເປີດມີ 5 ລາຍການ ຄື ຍິນດີຕ້ອນຮັບ ສູ່ອຸດົມໄຊເກມ,ສຽງກອງໄຊໃນ ງານບຸນເຜົ່າລື້,ສຽງດົນຕີໄມ້ໄຜ່ເທິງ ພູດອຍ,ດອກຄາຍແລະສຽງແຄນແດນພູສູງແລະດິນແດນແຫ່ງໄຊຊະນະ ສ່ວນພິທີປີດ ແມ່ນມີ 2 ລາຍການຄື: ໝາກຄາງ ຫັນສາ ໜ້າເກັກມີໄຊແລະອາລາອາໄລ ການ ສະ ແດງໃນທຸກລາຍການແມ່ນນຳໃຊ້ນັກສະແດງລວມທັງໝົດ 3 ພັນກວ່າຄົນ ແຕ່ລະຄົນ ແມ່ນມາຈາກບັນດາໂຮງຮຽນ,ສະຖາບັນການສຶກສາພາຍໃນເທດສະບານແຂວງອຸດົມໄຊ. ນອກຈາກທີ່ ທ່ານ ລັດຖະມົນຕີ ,ການນຳແຂວງໃຫ້ກຽດເຂົ້າ ມາຮັບຊົມ ການສະແດງ ຄັ້ງນີ້ກໍໄດ້ມີຄຳຄິດເຫັນເພື່ອເປັນ ການປັບປຸງ ແລະຊີ້ນຳໃນ ການແກ້ ໄຂ ບາງຈຸດ ທີ່ຍັງ ບໍ່ທັນ ລະອຽດດີ ແຕ່ການສັງເກດໂດຍລວມແລ້ວການ ສະແດງແມ່ນ ມີຄວາມ ຈົບງາມ, ຍີ່ງ ໃຫຍ່,ອະລັງການ ໂດຍສະເພາະແມ່ນແສງ,ສີ,ສຽງ,ຈຳນວນ ນັກສະແດງ ລວມທັງ ເຄື່ອງ ແຕ່ງກາຍຕ່າງໆ ລ້ວນແລ້ວແຕ່ເປັນລະບົບລະບຽບດີ ເຊິ່ງການສະແດງ ຫລືຊ້ອມ ໃຫຍ່ຄັ້ງນີ້ແມ່ນໄດ້ຮັບຄວາມສົນໃຈຈາກບັນດາພໍ່ແມ່ປະຊາຊົນຊາວແຂວງອຸດົມໄຊ ທີ່ໄດ້ເຂົ້າມາຮັບຊົມເປັນຈຳນວນຫລວງຫລາຍ.
KPL
