ຂປລ.ມະຫະກຳກິລາແຫ່ງຊາດ ຄັ້ງທີ X ຫລື ອຸດົມໄຊເກມ ໄດ້ໄຂ ຂຶ້ນຢ່າງເປັນທາງການ ໃນວັນທີ 13 ເດືອນທັນວານີ້ ໂດຍການເປັນ ກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ, ທ່ານ ຄຳຫລ້າ ລິ້ງນະ ສອນ ເຈົ້າແຂວງອຸດົມໄຊ, ທ່ານ ສົມສະຫວາດ ເລັ່ງສະຫວັດ ຮອງ ນາຍົກລັດຖະມົນຕີ, ທ່ານ ດຣ.ພັນ ຄຳ ວິພາວັນ ຮອງນາຍົກລັດຖະມົນ ຕີ, ລັດຖະມົນຕີວ່າການກະຊວງສຶກ ສາທິການ ແລະ ກິລາ ພ້ອມດ້ວຍ ການນຳ ພັກ-ລັດ, ແຂກທັງພາຍໃນ ແລະ ຕ່າງປະເທດ, ຄະນະນຳ, ຄູເຝິກ ແລະ ນັກກິລາ ຈາກ 17 ແຂວງ,1 ນະຄອນຫລວງ,7ກະຊວງ ແລະ ມວນຊົນແຂວງອຸດົມໄຊ ເຂົ້າຮ່ວມ ຢ່າງຫລວງຫລາຍ.

ໃນພິທີໄຂມະຫະກຳກິລາແຫ່ງ ຊາດ ຄັ້ງທີ X ນີ້ມີ 32 ກ້ອນກຳລັງ ຮ່ວມສວນສະໜາມເຊັ່ນ: ກ້ອນ ກອງດຸລິຍາງ, ກ້ອນປ້າຍຄຳຂວັນ ມະຫະກຳກິລາແຫ່ງຊາດ, ກ້ອນ ສັນຍະລັກມະຫະກຳກິລາ ແຫ່ງ ຊາດ ຄັ້ງທີ X, ກ້ອນທຸງຊາດ-ທຸງ ກິລາ ເຊີນຂຶ້ນສູ່ຍອດເສົາ, ກ້ອນ ທຸງຊາດ-ທຸງກິລາ-ທຸງມະຫະກຳ ກິລາ, ກ້ອນກຳມະການຕັດສິນ, ກະຊວງສາທາລະນະສຸກ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງປ້ອງກັນ ປະເທດ, ກະຊວງປ້ອງກັນຄວາມສະ ຫງົບ ກະຊວງແຜນການ ແລະ ການລົງທຶນ, ກະຊວງພະລັງງານ ແລະ ບໍ່ແຮ່, ກະຊວງພາຍໃນ ແລະ ແຂວງຕ່າງໆ ພ້ອມດ້ວຍເຈົ້າພາບ ແລະ ອັດທ້າຍດ້ວຍກ້ອນຂະບວນ ປອດຄວັນຢາສູບ.ຂະນະທີ່ການສະ ແດງນັ້ນ,ເຈົ້າພາບ ໄດ້ນຳເອົາສິລະປະວັດທະນະທຳຮີດຄອງປະ ເພນີມາສະແດງເຖິງ 6 ລາຍການ ຄືຍິນດີຕ້ອນຮັບສູ່ອຸດົມໄຊເກມ, ສຽງກອງໄຊໃນມື້ບຸນເຜົ່າລື້,  ສຽງດົນຕີໄມ້ໄຜ່ເທິງພູດອຍ, ດອກຄາຍສຽງແຄນແດນພູສູງ, ສີສັນວັດທະນະທຳຍຸກສະໄໝ  ແລະ ດິນແດນແຫ່ງໄຊຊະນະ.

ທ່ານ ຄຳຫລ້າ ລິ້ງນະສອນ ເຈົ້າ  ແຂວງອຸດົມໄຊ ກ່າວລາຍງານ ໂດຍຊີ້ໃຫ້ເຫັນຜົນສຳເລັດໃນການ ກະກຽມ ແລະ ເປັນເຈົ້າພາບຈັດມະ ຫະກຳກິລາແຫ່ງຊາດຄັ້ງທີ X ຕາມການມອບໝາຍຂອງພັກ-ລັດຖະບານວ່າ: ນີ້ເປັນໂອກາດເຕົ້າ ໂຮມຄວາມສາມັກຄີກັບບັນດານັກ ກິລາໃນທົ່ວປະເທດ ກໍຄື ແຂວງ ຂອງຕົນໂດຍໄດ້ກະກຽມຕ້ອນຮັບ ແລະ ອຳນວຍຄວາມສະດວກທັງ ສະຖານທີ່ພັກເຊົາ, ອາຫານໃຫ້ແກ່ ແຂກຄົນທີ່ມາຊົມ ແລະ ທ່ອງທ່ຽວ.ແນວໃດກໍດີຂໍຮຽກຮ້ອງນັກກິລາ ທຸກຄົນທີ່ເຂົ້າຮ່ວມແຂ່ງຂັນຈົ່ງ ຕັ້ງໜ້າບຸກບືນ, ມີນ້ຳໃຈນັກກິລາ ແລະ ຍາດໄດ້ໄຊຊະນະ; ມະຫະກຳ ກິລາແຫ່ງຊາດຄັ້ງທີ X ນີ້ມີນັກ ກິລາທັງໝົດ 3.970 ຄົນ ຮ່ວມແຂ່ງ ຂັນ 25 ປະເພດກິລາເພື່ອຊີງ 1.148 ຫລຽນ, ໃນນີ້ 328 ຫລຽນຄຳ,328 ຫລຽນເງິນ ແລະ 492 ຫລຽນ ທອງ ເຊິ່ງມາຮອດວັນທີ 13 ເດືອນ ທັນວານີ້ມີຫລາຍປະເພດກິລາ  ໄດ້ ສຳເລັດການແຂ່ງຂັນແລ້ວກ່ອນ ໄຂມະຫະກຳກິລາແຫ່ງຊາດ ຄັ້ງທີ X ຢ່າງເປັນທາງການ ເປັນຕົ້ນກິລາ ປິງປ໋ອງ, ເທັນນິດ, ຊ່ວງເຮືອ, ກ໊ອຟ ແລະ ລອຍນໍ້າ.ຂະນະດຽວກັນ ຍັງມີກິລາຫລາຍປະເພດສືບຕໍໍ່ແຂ່ງຂັນ ຈົນໄປເຖິງວັນທີ 20 ທັນວາ ຈຶ່ງຈະສຳເລັດ.

ໃນໂອກາດອັນເປັນສີລິມຸງຄຸນນີ້, ທ່ານ ຈູມມາລີ ໄຊຍະສອນ ປະທານ ປະເທດ ກໍໄດ້ໃຫ້ກຽດກ່າວໄຂ ມະຫະ ກຳກິລາແຫ່ງຊາດ ຄັ້ງທີ X ຫລື ອຸດົມໄຊເກມ ຢ່າງເປັນທາງການ.

KPL