ຂປລ. ກະຊວງສຶກສາທິການ ແລະ ກິລາໄດ້ດຳເນີນການປະຕິຮູບ ລະບົບການສຶກສາ, ປັບປຸງລະບົບ ການບໍລິຫານການຄຸ້ມຄອງການ ສຶກສາ ແລະ ກິລາ ໃຫ້ມີຄຸນນະພາບ ໂດຍອີງໃສ່ນະໂຍບາຍ, ລະບຽບຫລັກ ການຂອງພັກ, ກົດໝາຍຂອງລັດ ຫັນເປັນຍຸດທະສາດ, ເປັນນິຕິກຳ, ລະບຽບຫລັກ ການ ໃນ ການປະສານ ສົມທົບສ້າງຫລັກສູດການຮຽນ-ການສອນການພັດທະນາສີມືແຮງ ງານໃຫ້ເປັນລະບົບເຂົ້າທິດທາງ ດຽວກັນເພື່ອໃຫ້ສອດຄ່ອງກັບໂຄງ ປະກອບເສດຖະກິດໃໝ່ ແລະ ກຽມ ພ້ອມເຊື່ອມໂຍງເຂົ້າເປັນປະຊາຄົມ ເສດຖະກິດອາຊຽນ ໃນປີ 2015.
ທ່ານ ດຣ. ພັນຄຳ ວິພາວັນ ຮອງ ນາຍົກລັດຖະມົນຕີ, ລັດຖະມົນຕີວ່າ ການກະຊວງສຶກສາທິການ ແລະ ກິລາ ຊີ້ແຈງຕໍ່ຄຳຊັກຖາມຂອງສະ ມາຊິກສະ ພາແຫ່ງຊາດ ໃນກອງປະ ຊຸມສະໄໝສາມັນ ເທື່ອທີ 8 ຂອງ ສະພາແຫ່ງຊາດຊຸດທີ VII ກ່ຽວກັບ ວຽກງານການສຶກສາ ແລະ ກິລາ ເປັນຕົ້ນແມ່ນ ການ ປະຕິຮູບລະບົບ ອະຊີວະສຶກສາ ແລະ ມະຫາວິທະ ຍາໄລ ໃນການສ້າງບຸກຄະລະກອນ, ສ້າງຫລັກສູດ ການຮຽນ-ການ ສອນ, ການພັດທະນາສີມື ແຮງ ງານ ໃຫ້ເປັນລະບົບໃນທິດທາງດຽວ ກັນເພື່ອໃຫ້ສອດຄ່ອງກັບໂຄງປະ ກອບໃໝ່ ແລະ ຄຸນນະພາບ. ໃນເປົ້າ ໝາຍຂອງອາຊຽນ ແມ່ນໄດ້ເນັ້ນ ສ້າງ ແລະ ພັດທະນາຊັບພະຍາກອນ ມະນຸດ, ສ້າງສີມືເຮັດໃຫ້ເປັນ, ເຮັດ ໃຫ້ໄດ້, ເຮັດໃຫ້ດີ. ສອດຄ່ອງກັບ ເງື່ອນໄຂ ແລະ ສະພາບປ່ຽນແປງ ໃໝ່ຢ່າງໄວ ວາໃນຂົງເຂດການ ເມືອງ, ເສດຖະກິດ-ສັງຄົມ. ສະ ເພາະການຈັດການຮຽນ-ການ ສອນ ກໍແມ່ນ ເລີ່ມແຕ່ຂັ້ນປະຖົມໃຫ້ມີ ຄວາມເປັນລະບຽບ ແລະ ມີຄວາມ ອົດທົນຕໍ່ຄວາມຫຍຸ້ງຍາກ.
ສຳລັບ ສປປ ລາວ ແມ່ນເລັ່ງສ້າງ ຂອບວຸດທິການສຶກສາ ໂດຍສະ ເພາະພາກອະຊີວະສຶກສາໃຫ້ມີ ຄວາມສອດຄ່ອງກັບອະຊີວະສຶກ ສາຂອງອາຊຽນ, ທົບທວນຄືນຄຸນ ນະພາບສາຍອະຊີວະສຶກສາວິຊາ ຊີບຂອບປະກັນສຸຂະພາບໃນອາຊີ ຕາເວັນອອກສຽງໃຕ້, ດຳເນີນການປະຕິຮູບຢ່າງເລິກ ເຊິ່ງວິທີການ ຝຶກອົບຮົມໂດຍເນັ້ນສະມັດຕະພາບໃນ 23 ສາຂາວິຊາຂອງ 4 ກຸ່ມອາຊີບຄື: ກໍ່ສ້າງ,ເຟີນີເຈີ, ສ້ອມແປງກົນຈັກ ແລະ ບໍລິການທຸລະກິດ. ພ້ອມນັ້ນກໍຕ້ອງ ໄດ້ສ້າງຝຶກອົບຮົມແບບຄວບຄູ່ຕາມມາດຕະຖານ ໂດຍການຮ່ວມ ມືກັບສະຖານປະກອບການ ເຊິ່ງ ຜ່ານມາກະຊວງສຶກສາທິການ ແລະ ກິລາ ກໍໄດ້ເລືອກ ເອົາໂຮງຮຽນເຕັກ ນິກລາວ-ເຢຍລະມັນ ເປັນບ່ອນທົດ ລອງຝຶກອົບຮົມວິຊາຊີບເຫັນວ່າ ໄດ້ຮັບຜົນ ແລະ ຈະສືບຕໍ່ຫັນໄປສູ່ໂຮງຮຽນເຕັກນິກແຫ່ງອື່ນໆ. ນອກຈາກນັ້ນກໍຕ້ອງມີການຮ່ວມມືດ້ານອະຊີວະສຶກສາ,ຝຶກອົບຮົມວິຊາຊີບ ໃນຂອບຂອງຊີເມວ ແລະ ພັດທະ ນາຄູສອນວິຊາຊີບ ແລະ ຜູ້ບໍລິຫານ ອະຊີ ວະສຶກສາ.
ທ່ານລັດຖະມົນຕີຍັງຊີ້ແຈງໃຫ້ຮູ້ຕື່ມອີກວ່າ: ເພື່ອກະກຽມໃຫ້ແກ່ການເຊື່ອມໂຍງກັບອາຊຽນໃນຕໍ່ ໜ້າ, ທາງກະຊວງສຶກສາທິການ ແລະ ກິລາ ໄດ້ສ້າງ ຍຸດທະສາດແຜນ ແມ່ບົດການພັດທະນາອະຊີວະ ສຶກສາ ແລະ ພັດທະນາສີມືແຮງ ງານ, ຈັດກອງປະຊຸມຕິດຕາມກວດ ກາ ແລະ ກວດກາການຈັດຕັ້ງປະ ຕິບັດກົດໝາຍ ແລະ ແຜນງານຢ່າງ ເປັນປົກກະຕິ, ຈັດຕັ້ງກິດຈະການ ຮ່ວມກັນເປັນຕົ້ນການພັດທະນາສີ ມືແຮງງານ, ຫລັກສູດສີມືແຮງ ງານ, ການ ແຂ່ງຂັນ, ສ້າງ ແລະ ປັບ ປຸງຂໍ້ມູນຂ່າວສານ ແລະ ສ້າງລະ ບຽບຫລັກການຮ່ວມກັນ ເປັນຕົ້ນ ແມ່ນຂອບມາດຕະຖານຫລັກສູດ ການສຶກສາ.

KPL