ຂປລ
ໄພແຫ້ງແລ້ງ ສ້າງຄວາມເສຍຫາຍ ໃຫ້ແກ່ໂລກ ປີລະ 307 ຕື້ໂດລາສະຫະລັດ ຫລັງຈາກ ເປີດເຜີຍ ບົດລາຍງານ ສະບັບ ຫລ້າສຸດ ໃນກອງປະຊຸມ ລັດພາຄີ ສົນທິສັນຍາ ສະຫະ ປະຊາຊາດ ກ່ຽວກັບ ການຕ້ານ ການທະເລຊາຍ (UNCCD) ໄດ້ເຕືອນວ່າ ໄພແຫ້ງແລ້ງ ທີ່ເກີດຈາກມະນຸດ ອາດຈະສົ່ງຜົນ ກະທົບເຖິງ 75% ຂອງປະຊາກອນໂລກ ພາຍໃນປີ 2050.
ຂປລ.ສຳນັກຂ່າວ ເອເອຟພີ,ອົງການ ສະຫະ ປະຊາຊາດ (ສປຊ) ເຕືອນວ່າ: ໄພແຫ້ງແລ້ງ ສ້າງຄວາມເສຍຫາຍ ໃຫ້ແກ່ໂລກ ປີລະ 307 ຕື້ໂດລາສະຫະລັດ ຫລັງຈາກ ເປີດເຜີຍ ບົດລາຍງານ ສະບັບຫລ້າສຸດ ໃນກອງປະຊຸມ ລັດພາຄີ ສົນທິສັນຍາ ສະຫະ ປະຊາຊາດກ່ຽວກັບ ການຕ້ານ ການທະເລຊາຍ(UNCCD) ໄດ້ເຕືອນວ່າ ໄພແຫ້ງແລ້ງ ທີ່ເກີດຈາກມະນຸດ ອາດຈະສົ່ງຜົນ ກະທົບເຖິງ 75%ຂອງປະຊາກອນໂລກ ພາຍໃນປີ 2050. ສປຊ ຮຽກຮ້ອງ ໃຫ້ເພີ່ມທະວີ ການລົງທຶນໃນ“ການແກ້ໄຂ ບັນຫາ ທຳມະຊາດ” ເຊັ່ນ ການປູກປ່າການຄຸ້ມຄອງ ການລ້ຽງສັດ ແລະ ການຄຸ້ມຄອງ, ການຟື້ນຟູ ແລະ ອະນຸລັກ ຊັບພະຍາກອນນໍ້າເພື່ອຫລຸດຜ່ອນ ຄວາມເປັນທະເລຊາຍ ຂອງເຂດດັ່ງກ່າວແລະ ເປັນຜົນດີ ຕໍ່ສິ່ງແວດລ້ອມ ອີກດ້ວຍ.ໄພແຫ້ງແລ້ງ ຍັງສົ່ງຜົນກະທົບ ຕໍ່ຕ່ອງໂສ້ ການສະໜອງ ທັງໝົດ ໂດຍສະເພາະຫລຸດຜະລິດຕະພັນລວມພາຍໃນ (GDP), ຜົນກະທົບຕໍ່ ຊີວິດການເປັນຢູ່ແລະ ນໍາໄປສູ່ ບັນຫາ ຄວາມອຶດຫິວ, ການຫວ່າງງານ, ການເຄື່ອນຍ້າຍ ແລະ ສິ່ງທ້າທາຍ ດ້ານຄວາມປອດໄພ ຂອງມະນຸດ ໃນໄລຍະຍາວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
