ຂປລ
ອິນໂດເນເຊຍ ຕັ້ງເປົ້າໝາຍ ການຜະລິດເຂົ້າ ໃຫ້ໄດ້ 32 ລ້ານໂຕນ ໃນປີ2025 ເພື່ອບັນລຸ ເປົ້າໝາຍ ການເພິ່ງພາ ຕົນເອງ ດ້ານສະບຽງ ອາຫານ ແລະ ກ້າວໄປສູ່ ໂຈະການນຳເຂົ້າ ເຂົ້າຈາກຕ່າງປະເທດ ໃນຕໍ່ໜ້າ.
ຂປລ.ສຳນັກຂ່າວ ຊິນຮວາ ຂອງ ສປ ຈີນ, ທ່ານ ອັນດີ ອຳຣານ ສຸລາຍໝານ(Andi Amran Sulaiman),ລັດຖະມົນຕີ ກະຊວງ ກະສິກຳ ອິນໂດເນເຊຍ ເປີດເຜີຍວ່າ: ອິນໂດເນເຊຍ ຕັ້ງເປົ້າໝາຍ ການຜະລິດເຂົ້າ ໃຫ້ໄດ້ 32 ລ້ານໂຕນ ໃນປີ2025 ເພື່ອບັນລຸ ເປົ້າໝາຍ ການເພິ່ງພາ ຕົນເອງ ດ້ານສະບຽງ ອາຫານ ແລະ ກ້າວໄປສູ່ ໂຈະການນຳເຂົ້າ ເຂົ້າຈາກຕ່າງປະເທດ ໃນຕໍ່ໜ້າ. ຫລັງຈາກ ລັດຖະບານ ອິນໂດເນເຊຍ ຄາດຄະເນການຜະລິດເຂົ້າ ໃນປີ 2025 ຈະເພີ່ມຂຶ້ນ 1 ລ້ານໂຕນຕໍ່ປີ ເມື່ອທຽບກັບປີ 2024, ເພີ່ມຂຶ້ນ 1 ລ້ານໂຕນ ແມ່ນມີຄວາມສໍາຄັນ.ເນື່ອງຈາກວ່າ ມີມູນຄ່າ ເທົ່າກັບ 12 ພັນຕື້ຣູເປຍ ໂດຍເລັ່ງ ຈັດຕັ້ງປະຕິບັດ ຫລາຍມາດຕະການ ເຊັ່ນ: ໂຄງການສຳຮອງ ສະບຽງ ອາຫານ ແລະ ການນໍາໃຊ້ ເຕັກໂນໂລຊີ ກະສິກໍາ ແບບທັນສະໄໝ.ໂຄງການເຫລົ່ານີ້ ມີເປົ້າໝາຍເຮັດໃຫ້ ອິນໂດເນເຊຍ ສາມາດ ເພິ່ງພາຕົນເອງ ໃນດ້ານສະບຽງອາຫານແລະ ເພື່ອສະໜັບ ສະໜູນ ການເຕີບໂຕ ຂອງປະຊາກອນ ໃນແຕ່ລະປີ. ຂະນະທີ່ ສຳນັກງານ ສະຖິຕິ ອິນໂດເນເຊຍ ຄາດການຜະລິດເຂົ້າ ຂອງປະເທດ ຈະຢູ່ປະມານ 30,34 ລ້ານໂຕນໃນປີນີ້ ຫລຸດລົງ 2,43% ເມື່ອທຽບກັບ ສະຖິຕິ 31,10 ລ້ານໂຕນ ໃນປີ2023./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
