ຂປລ
ສປ ຈີນ ຕັ້ງເປົ້າໝາຍ ເກັບກຳ ຕົວຢ່າງ ຈາກດາວອັງຄານ ແລະ ສົ່ງກັບຄືນ ສູ່ໂລກ ປະມານປີ 2031, ໂດຍເປົ້າໝາຍ ທາງວິທະຍາສາດ ອັນສຳຄັນ ທີ່ສຸດຄື ການຄົ້ນຫາ ສັນຍານ ສິ່ງມີຊີວິດ ເທິງດາວອັງຄານ.
ຂປລ.ສຳນັກຂ່າວ ຊິນຮວາ ຂອງ ສປ ຈີນ,ວັນທີ28 ພະຈິກນີ້, ຫ້ອງທົດລອງ ສຳຫລວດ ອະວະກາດເລິກ ຂອງ ສປ ຈີນ ເປີດເຜີຍວ່າ: ສປ ຈີນ ຕັ້ງເປົ້າໝາຍ ເກັບກຳ ຕົວຢ່າງ ຈາກດາວອັງຄານ ແລະ ສົ່ງກັບຄືນ ສູ່ໂລກ ປະມານປີ 2031, ໂດຍເປົ້າໝາຍ ທາງວິທະຍາສາດ ອັນສຳຄັນ ທີ່ສຸດຄື ການຄົ້ນຫາ ສັນຍານ ສິ່ງມີຊີວິດ ເທິງດາວອັງຄານ. ສປ ຈີນ ວາງແຜນດຳເນີນ ພາລະກິດ ທຽນເວີ່ນ-3 ດ້ວຍການສົ່ງ ຍານອະວະກາດສູ່ ອະວະກາດ 2 ຄັ້ງ ປະມານປີ2028 ຊຶ່ງພາລະກິດນີ້ ເນັ້ນລົງຈອດ ເກັບຕົວຢ່າງ ແລະ ນຳກັບສູ່ໂລກ ໃນການປະຕິບັດການ ແບບຄັ້ງດຽວ ໂດຍຈຸດລົງຈອດ ຍັງເຮັດໜ້າທີ່ ເປັນສະຖານທີ່ ເກັບຕົວຢ່າງ ອີກດ້ວຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
