ຂປລ
ຂປລ ລະຫວ່າວັນທີ 12-14 ກຸມພາ 2025 ນີ້, ບໍລິສັດ ພູເບ້ຍມາຍນິງ ຈຳກັດ ໄດ້ນຳພາສື່ມວນຊົນລົງຢ້ຽມຢາມ ໂຄງການຂຸດຄົ້ນ-ປຸງແຕ່ງທອງ-ຄຳ ນໍາໂດຍ ທ່ານ ແກ້ວເລີດສະໄໝ ທໍາມະລັງສີ ທີ່ປຶກ ສາລະດັບສູງ ຝ່າຍພົວພັນສື່ສານຂອງ ບໍລິສັດພູເບ້ຍມາຍນິງ ຈຳກັດ.
ຂປລ ລະຫວ່າວັນທີ 12-14 ກຸມພາ 2025 ນີ້, ບໍລິສັດ ພູເບ້ຍມາຍນິງ ຈຳກັດ ໄດ້ນຳພາສື່ມວນຊົນລົງຢ້ຽມຢາມ ໂຄງການຂຸດຄົ້ນ-ປຸງແຕ່ງທອງ-ຄຳ ນໍາໂດຍ ທ່ານ ແກ້ວເລີດສະໄໝ ທໍາມະລັງສີ ທີ່ປຶກ ສາລະດັບສູງ ຝ່າຍພົວພັນສື່ສານຂອງ ບໍລິສັດພູເບ້ຍມາຍນິງ ຈຳກັດ.
ທ່ານ ແກ້ວເລີດສະໄໝ ທຳມະລັງສີ ໄດ້ໃຫ້ຮູ້ວ່າ: ຈຸດປະສົງທີ່ນໍາພາບສື່ມວນຊົນ ລົງຢ້ຽມຢາມໂຄງການຂຸດຄົ້ນ-ປຸງແຕ່ງທອງ-ຄຳ ຂອງບໍລິສັດ ພູເບ້ຍມາຍນິງ ຈຳກັດ ໃນຄັ້ງນີ້ ເພື່ອຢາກໃຫ້ສື່ມວນຊົນ ເຫັນໄດ້ເຖິງການປະຕິບັດໜ້າທີ່ວຽກງານ ທີ່ໄດ້ມາດຕະຖານສາກົນຂອງ ບໍລິສັດ ພູເບ້ຍມາຍນິງ ຈຳກັດ, ມີຄວາມຮັບຜິດຊອບ ຕໍ່ສິ່ງແວດລ້ອມ ຕໍ່ປະຊາຊົນ ກໍຄື ຊຸມຊົນ. ພ້ອມນີ້, ກໍເພື່ອຕິດຕາມການດໍາເນີນ ວຽກງານຕ່າງໆຂອງບໍລິສັດ ເປັນຕົ້ນ ການຂຸດຄົ້ນ, ການຜະລິດ, ການປຸງແຕ່ງ, ການປົກປັກຮັກສາສິ່ງ ແວດລ້ອມ ເຊິ່ງເປັນໝາກຫົວໃຈຫລັກຂອງບໍລິສັດ. ນອກນັ້ນ, ກໍຢາກໃຫ້ບັນດາສື່ມວນຊົນ ໄດ້ຮັບຮູ້ເຖິງການເອົາໃຈໃສ່ຂອງບໍລິສັດ ດ້ານການຮັກສາຄວາມປອດໄພ ເພາະບໍລິສັດ ພູເບ້ຍມາຍນິງ ຈຳກັດ ຖືສໍາຄັນຕໍ່ວຽກງານ ດັ່ງກ່າວເປັນອັນດັບ 1, ພະນັກງານທຸກຄົນກັບເມືອບ້ານ ດ້ວຍຄວາມປອດໄພ ລວມເຖິງຜູ້ຮັບເໝົາ ແລະ ມວນຊົນທີ່ດໍາລົງຊີວິດຢູ່ອ້ອມຂ້າງ ອີກດ້ວຍ.
ການລົງຢ້ຽມຢາມຄັ້ງນີ້, ສື່ມວນຊົນໄດ້ຢ້ຽມຢາມໂຮງງານປຸງແຕ່ງຄໍາ-ເງິນ ບ້ານຫ້ວຍຊາຍ ເມືອງລ້ອງແຈ້ງ, ໂຮງງານປຸງແຕ່ງທອງ-ຄຳພູຄຳ ເມືອງອານຸວົງ ແຂວງໄຊສົມບູນ ເຊິ່ງໂຮງງານປຸງແຕ່ງຄໍາ-ເງິນ ຢູ່ບ້ານຫ້ວຍຊາຍ ມີອາຍຸການສໍາປະທານຮອດປີ 2035 ແລະ ໂຮງງານປຸງແຕ່ງທອງ-ຄຳພູຄຳ ອາຍຸການສໍາປະທານຮອດ ໄຕມາດທໍາອິດຂອງປີ 2026. ນອກຈາກນີ້, ກໍໄດ້ໄປຢ້ຽມໂຄງ ການປັບປຸງຊີວິດການເປັນຢູ່ ກຸ່ມປູກຜັກ, ສຸກສາ ແລະ ອື່ນໆ ທີ່ນອນໃນການສະໜັບສະໜູນຂອງ ບໍລິສັດ ພູເບ້ຍມາຍນິງ ຈຳກັດ.
KPL
