ຂປລ
ຂປລ. ແຫລ່ງຂ່າວຈາກ ແຂວງຈຳປາສັກ ໃຫ້ຮູ້ວ່າ: ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ ຕ້ອນຮັບ ທ່ານ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໃນວັນທີ 6 ກຸມພາ 2025 ທີ່ຫ້ອງວ່າການແຂວງ ຈຳປາສັກ ໃນໂອກາດມາເຄື່ອນໄຫວຊຸກຍູ້ວຽກງານ ທີ່ແຂວງຈຳປາສັກ.
ຂປລ. ແຫລ່ງຂ່າວຈາກ ແຂວງຈຳປາສັກ ໃຫ້ຮູ້ວ່າ: ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ ຕ້ອນຮັບ ທ່ານ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໃນວັນທີ 6 ກຸມພາ 2025 ທີ່ຫ້ອງວ່າການແຂວງ ຈຳປາສັກ ໃນໂອກາດມາເຄື່ອນໄຫວຊຸກຍູ້ວຽກງານ ທີ່ແຂວງຈຳປາສັກ.
ໂອກາດນີ້, ທ່ານ ອາລຸນໄຊ ສູນນະລາດ ໄດ້ກ່າວຕ້ອນຮັບ ແລະ ຕີລາຄາສູງຕໍ່ການມາເຄື່ອນໄຫວຊຸກຍູ້ວຽກງານຂອງທ່ານຮອງລັດຖະມົນຕີ ກະຊວງແຜນການ ແລະ ການລົງທຶນ ພ້ອມດ້ວຍຄະນະ ໃນເທື່ອນີ້, ພ້ອມທັງຍົກໃຫ້ຮູ້ກ່ຽວກັບບາງຜົນງານອັນພົ້ນເດັ່ນ, ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ວຽກຕິດຕາມກວດກາເຂດເສດຖະກິດພິເສດ, ການຄ້າ ແລະ ການລົງທຶນ. ນອກນັ້ນ, ຍັງໄດ້ສະເໜີຕໍ່ທ່ານຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ຄະນະ ຊ່ວຍຈັດສຳມະນາວິທະຍາສາດ ສຸມໃສ່ພັດທະນາເຂດແຄວ້ນ ເພື່ອສ້າງແຂວງຈຳປາສັກ ໃຫ້ກາຍເປັນສູນກາງ ການຄ້າ-ການລົງທຶນ ຂອງພາກໃຕ້ ແລະ ຊ່ວຍຊຸກຍູ້ນັກລົງທຶນຕ່າງປະເທດ ໃຫ້ເຂົ້າມາລົງທຶນ ຢູ່ແຂວງຈຳປາສັກ ເປັນຕົ້ນ ໃນຂົງເຂດ ກະສິກຳ ແລະ ການທ່ອງທ່ຽວ ໃຫ້ຫລາຍຂຶ້ນກວ່າເກົ່າ.
ໂອກາດນີ້, ທ່ານຮອງລັດຖະມົນຕີ ກະຊວງແຜນການ ແລະ ການລົງທຶນ ໄດ້ສະແດງຄວາມຂອບໃຈຕໍ່ການຕ້ອນຮັບ ພ້ອມທັງ ກ່າວລາຍງານ ແລະ ຈຸດປະສົງ ຂອງ ການລົງເຄື່ອນໄຫວໃນຄັ້ງນີ້ ເພື່ອຊຸກຍູ້ວຽກງານເຂດເສດຖະກິດພິເສດ ແຂວງຈຳປາສັກ ໂດຍສະເພາະ ຕິດຕາມຊຸກຍູ້ເຂດເສດຖະກິດປາກເຊ-ຍີ່ປຸ່ນ, ເຂດເສດຖະກິດວັງເຕົ່າ-ໂພນທອງ ແລະ ເຂດພັດທະນາເສດຖະກິດໃໝ່ ສີທັນດອນ ເມືອງໂຂງ ແຂວງຈຳປາສັກ.
KPL
