ຂປລ
ຂປລ. ພິທີມອບ-ຮັບ ເດີ່ນເຄົາລົບທຸງ ແລະ ເດີ່ນບານສົ່ງ ໂຮງຮຽນວັດທະນະທຳຊົນເຜົ່າກອງທັບ ຈັດຂຶ້ນໃນວັນທີ 22 ເມສາ 2025 ໂດຍໄດ້ຮັບການອະປະຖໍາກໍ່ສ້າງຈາກ ທີມງານສາຍນ້ຳໃຈ ລວມມູນຄ່າທັງໝົດ 136 ລ້ານກວ່າກີບ. ທັງນີ້, ກໍເພື່ອເປັນການປະກອບສ່ວນໃຫ້ ພະນັກງານ-ນັກຮົບ ພ້ອມດ້ວຍນ້ອງນ້ອຍນັກຮຽນ ໄດ້ນໍາໃຊ້ ແລະ ສຸມໃສ່ເຮັດສຳເລັດໜ້າທີ່ ທີ່ໄດ້ຮັບມອບໝາຍ.
ຂປລ. ພິທີມອບ-ຮັບ ເດີ່ນເຄົາລົບທຸງ ແລະ ເດີ່ນບານສົ່ງ ໂຮງຮຽນວັດທະນະທຳຊົນເຜົ່າກອງທັບ ຈັດຂຶ້ນໃນວັນທີ 22 ເມສາ 2025 ໂດຍໄດ້ຮັບການອະປະຖໍາກໍ່ສ້າງຈາກ ທີມງານສາຍນ້ຳໃຈ ລວມມູນຄ່າທັງໝົດ 136 ລ້ານກວ່າກີບ. ທັງນີ້, ກໍເພື່ອເປັນການປະກອບສ່ວນໃຫ້ ພະນັກງານ-ນັກຮົບ ພ້ອມດ້ວຍນ້ອງນ້ອຍນັກຮຽນ ໄດ້ນໍາໃຊ້ ແລະ ສຸມໃສ່ເຮັດສຳເລັດໜ້າທີ່ ທີ່ໄດ້ຮັບມອບໝາຍ.
ໂອກາດນີ້, ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ຕ່າງໜ້າຄະນະພັກ-ຄະນະອຳນວຍການໂຮງຮຽນ ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງມາຍັງທີມງານສາຍນ້ຳໃຈ ທີ່ໄດ້ຊ່ວຍອຸປະຖຳໃນຄັ້ງນີ້, ອວຍພອນໄຊ ອັນປະເສີດມາຍັງ ທີມງານສາຍນ້ຳໃຈ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ປະສົບຜົນສຳເລັດໃນໜ້າທີ່ ກໍຄື ພະລາກິດທີ່ກຳລັງດຳເນີນ, ສືບຕໍ່ອູ້ມຊູຊ່ວຍເຫລືອ ໂຮງຮຽນວັດທະນະທຳຊົນເຜົ່າກອງທັບ ໃຫ້ເຕີບໃຫຍ່ເຂັ້ມແຂງຂຶ້ນໄປເລື້ອຍໆ. ພ້ອມນີ້, ໄດ້ມອບໃບກຽດຕິຄຸນໃຫ້ ທີມງານສາຍນ້ຳໃຈຕື່ມອີກ.
ຂ່າວ: ໂອລິນ ມິ່ງມີໄຊ
KPL
