ຂປລ
ນັບແຕ່ວັນທີ 1 ກໍລະກົດ ຫາວັນທີ 11 ສິງຫານີ້, ເສັ້ນທາງລົດໄຟ ໃນຂອບເຂດທົ່ວປະເທດຈີນ ໄດ້ຂົນສົ່ງຜູ້ໂດຍສານ 616 ລ້ານເທື່ອຄົນ, ເພີ່ມຂຶ້ນ 4% ເມື່ອທຽບໃສ່ ໄລຍະດຽວກັນ ຂອງປີກາຍ
ຂປລ.ວິທະຍຸ ສາກົນແຫ່ງ ສປ ຈີນ, ກຸ່ມບໍລິສັດ ທາງລົດໄຟ ແຫ່ງຊາດຈີນ ຈຳກັດ ເປີດເຜີຍໃຫ້ຮູ້ວ່າ ນັບແຕ່ວັນທີ 1 ກໍລະກົດ ຫາວັນທີ 11 ສິງຫານີ້, ເສັ້ນທາງລົດໄຟ ໃນຂອບເຂດທົ່ວປະເທດຈີນ ໄດ້ຂົນສົ່ງຜູ້ໂດຍສານ 616 ລ້ານເທື່ອຄົນ, ເພີ່ມຂຶ້ນ 4% ເມື່ອທຽບໃສ່ ໄລຍະດຽວກັນ ຂອງປີກາຍ, ໂດຍໄດ້ຂົນສົ່ງຜູ້ໂດຍສານ ສະເລ່ຍ 14.675.000 ເທື່ອຄົນຕໍ່ວັນ. ດ່ານທາງລົດໄຟບໍ່ຫານ ລວມແລ້ວ ໄດ້ກວດກາ ແລະ ອະນຸຍາດ ໃຫ້ນັກທ່ອງທ່ຽວ 26.000 ເທື່ອຄົນ ເຂົ້າອອກເມືອງ, ເພີ່ມຂຶ້ນ 10,33% ເມື່ອທຽບໃສ່ປີກາຍ, ໃນນັ້ນ, ນັກທ່ອງທ່ຽວ ທີ່ອອກເມືອງ ເພື່ອການທ່ອງທ່ຽວ ກວມເອົາ ຫລາຍກວ່າ 60% ຂອງຜູ້ໂດຍສານ ທັງໝົດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
