ຂປລ
ເວລາ 17 ໂມງ 24 ນາທີ ຂອງວັນທີ 12 ສິງຫານີ້ ຢູ່ເຂດແຄມທະເລ ໃກ້ກັບ ແຂວງປາປົວ ຂອງອິນໂດເນເຊຍ ໄດ້ເກີດແຜ່ນດິນໄຫວ ຄວາມແຮງ 6,4 ລິກເຕີ.
ຂປລ.ຕາມຂ່າວຈາກ ກົມອຸຕຸນິຍົມ, ດິນຟ້າອາກາດ ແລະ ທໍລະນີ ຟີຊິກ ຂອງອິນໂດເນເຊຍ ແຈ້ງໃຫ້ຮູ້ວ່າ: ເວລາ 17 ໂມງ 24 ນາທີ ຂອງວັນທີ 12 ສິງຫານີ້ ຢູ່ເຂດແຄມທະເລ ໃກ້ກັບ ແຂວງປາປົວ ຂອງອິນໂດເນເຊຍ ໄດ້ເກີດແຜ່ນດິນໄຫວ ຄວາມແຮງ 6,4 ລິກເຕີ. ປັດຈຸບັນ ຍັງບໍ່ທັນມີການລາຍງານ ຜູ້ເສຍຊີວິດ ແລະ ບາດເຈັບ ກໍຄື ຜົນເສຍຫາຍທາງດ້ານຊັບສິນເທື່ອ.ສູນກາງແຜ່ນດິນໄຫວຄັ້ງນີ້ ເລິກລົງໄປໃຕ້ດິນ 13 ກິໂລແມັດ, ຢູ່ເສັ້ນຂະໜານໃຕ້ 1,90 ອົງສາ ແລະ ເສັ້ນແວງ ຕາເວັນອອກ 138,99 ອົງສາ. ແຜ່ນດິນໄຫວຄັ້ງນີ້ ຈະບໍ່ເຮັດໃຫ້ເກີດຄື້ນ ຊຶນາມິ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
