ຂປລ
ທ່ານ ຊາຣລອດ ຊັລວາອີ ນາຍົກ ລັດຖະມົນຕີ ຂອງ ວານູອາຕູ ກ່າວ ໃນພິທີ ສົ່ງມອບ ທໍານຽມ ປະທານາທິບໍດີ ແຫ່ງ ໃໝ່ ຢ່າງເປັນທາງການ ໂດຍແມ່ນ ຈີນ ເປັນຜູ້ສະໜັບ ສະໜູນ.
ຂປລ. ສຳນັກຂ່າວ ເອເອຟພີ ລາຍງານ ຈາກ ເມືອງຊິດນີ ປະເທດ ອົດສະຕຣາລີ ເມື່ອວັນທີ 3 ກໍລະກົດ, ທ່ານ ຊາຣລອດ ຊັລວາອີ ນາຍົກ ລັດຖະມົນຕີ ຂອງ ວານູອາຕູ ກ່າວ ໃນພິທີ ສົ່ງມອບ ທໍານຽມ ປະທານາທິບໍດີ ແຫ່ງ ໃໝ່ ຢ່າງເປັນທາງການ ໂດຍແມ່ນ ຈີນ ເປັນຜູ້ສະໜັບ ສະໜູນ.
ທັງນີ້ ສະຖານ ເອກອັກ ຄະລັດຖະທູດ ຈີນ ປະຈຳ ວານູອາຕູ ຖະແຫລງວ່າ: ໂຄງການນີ້ ລວມເຖິງ ການກໍ່ສ້າງ ກະຊວງ ການເງິນ ແຫ່ງໃໝ່ ແລະ ການປັບປຸງ ກະຊວງ ການຕ່າງປະເທດ ຂອງ ວານູອາຕູ, ອີກທັງເປັນສັນຍາລັກຂອງ “ກ້າວສຳຄັນໃໝ່” ກ່ຽວກັບ ຄວາມສຳພັນທີ່ ອົບອຸ່ນ ລະຫວ່າງ ສອງປະເທດ.
ໃນຂະນະດຽວກັນ, ສະຖາບັນໂລວີ ຂອງ ອົດສະຕຣາລີ ໄດ້ປະເມີນວ່າ : ຈີນ ໄດ້ໃຊ້ຈ່າຍ ບ້ວງເງິນ ເຂົ້າໃນການ ກໍ່ສ້າງ ຈໍານວນ 21 ລ້ານໂດລາ ສະຫະລັດ, ເປັນຈຳນວນເງິນ ທີ່ມີໄນສຳຄັນ ສຳລັບ ໂຄງການ ຊ່ວຍເຫລືອ ພາຍໃນປະເທດ ພວມພັດທະນາ ຊຶ່ງມີ ປະຊາກອນ ບໍ່ເຖິງ 300.000 ຄົນ. /.
KPL