ຂປລ
ເນື່ອງໃນໂອກາດ ວັນຊາດ ຂອງປະເທດ ສາທາລະນະລັດ ສັງຄົມນິຍົມ ຫວຽດນາມ(Vietnam) ຄົບ ຮອບ 79 ປີ(2.9.1945-2.9.2024) ຫວຽດນາມ ເປັນປະເທດ ໃນອາຊີຕາເວັນອອກ ສ່ຽງໃຕ້ ຕັ້ງຢູ່ທາງພາກຕາເວັນອອກສຸດຂອງແຫລມອິນດູຈີນ, ມີຊາຍແດນທິດເໜືອ ຕິດກັບປະເທດຈີນ, ທິດຕາເວັນຕົກຕິດກັບ ສປປລາວ, ທິດຕາເວັນຕົກສຽງໃຕ້ ຕິດກັບ ກຳປູເຈຍ, ທິດຕາເວັນອອກຕິດກັບ ທະເລຈີນໃຕ້ ແລະ ອ່າວທອນກິນ(Tonkin) ແລະ ທິດໃຕ້ຕິດກັບ ອ່າວໄທ. ມີນະຄອນຫລວງ ຊື່ວ່າ ຮ່າໂນ້ຍ
ເນື່ອງໃນໂອກາດ ວັນຊາດ ຂອງປະເທດ ສາທາລະນະລັດ ສັງຄົມນິຍົມ ຫວຽດນາມ(Vietnam) ຄົບ ຮອບ 79 ປີ(2.9.1945-2.9.2024) ຫວຽດນາມ ເປັນປະເທດ ໃນອາຊີຕາເວັນອອກ ສ່ຽງໃຕ້ ຕັ້ງຢູ່ທາງພາກຕາເວັນອອກສຸດຂອງແຫລມອິນດູຈີນ, ມີຊາຍແດນທິດເໜືອ ຕິດກັບປະເທດຈີນ, ທິດຕາເວັນຕົກຕິດກັບ ສປປລາວ, ທິດຕາເວັນຕົກສຽງໃຕ້ ຕິດກັບ ກຳປູເຈຍ, ທິດຕາເວັນອອກຕິດກັບ ທະເລຈີນໃຕ້ ແລະ ອ່າວທອນກິນ(Tonkin) ແລະ ທິດໃຕ້ຕິດກັບ ອ່າວໄທ. ມີນະຄອນຫລວງ ຊື່ວ່າ ຮ່າໂນ້ຍ; ມີເນື້ອທີ່ທັງໝົດ 331.690 ກິໂລຕາແມັດ ກວມເອົາປະຊາກອນ 100 ລ້ານກວ່າຄົນ(ໃນປີ 2023) ເຮັດໃຫ້ ຫວຽດນາມ ເປັນປະເທດລຳດັບທີ 15 ຂອງໂລກ ແລະເປັນປະເທດທີ 3 ໃນອາຊີຕາເວັນອອກ ສຽງໃຕ້ ຖັດຈາກ ອິນໂດເນເຊຍ ແລະ ຟີລິບປິນ; ໃຊ້ພາສາຫວຽດ ນາມເປັນພາສາທາງການ, ໃຊ້ສະກຸນເງິນດົ່ງ (VND), ປະຊາຊົນ ສ່ວນໃຫຍ່ ນັບຖືສາສະໜາພຸດ ກວມເອົາ 9,3%.
ຫວຽດນາມ ກາຍເປັນປະເທດໜຶ່ງ ທີ່ມີຄວາມຈະເລີນ ເຕີບໃຫຍ່ ທາງດ້ານເສດຖະກິດ ຢ່າງວ່ອງໄວ ແລະ ທັງເປັນປະເທດ ທີ່ມີຄວາມຫລາກຫລາຍ ທາງຊີວະພາບສູງ ເຕັມໄປດ້ວຍ ຊັບພະຍາກອນ ທຳມະຊາດທີ່ສຳຄັນ ຢ່າງຫລວງຫລາຍ ທີ່ ສ້າງລາຍຮັບ ໃຫ້ກັບປະເທດ. ໂດຍລວມຍອດຜະລິດ ຕະພັນພາຍໃນ ປະເທດ(GDP) ບັນລຸ 408,8 ຕື້ໂດລາສະຫະລັດ(ໃນປີ 2022); ອັດຕາການເຕີບໂຕ 8,0% ຕໍ່ປີ. ຈາກປັດໃຈຫລັກຄື ພາກການທ່ອງທ່ຽວ, ການສົ່ງອອກ ແລະ ພາກການຜະລິດ ທີ່ເປັນຫລັກຂອງປະເທດ. ສ່ວນສິນຄ້າ ທີ່ສົ່ງອອກຄື: ໂທລະສັບ ແລະ ອຸປະກອນ, ເກີບ, ເສື້ອຜ້າ, ເຄື່ອງກົນຈັກ, ອຸປະກອນການແພດ; ສິນຄ້າທີ່ນຳເຂົ້າ ລວມມີ: ເອເລັກໂຕຣນິກ, ເຄື່ອງກົນຈັກ(ຄອມພີວເຕີ) , ເຊື້ອໄຟທຳມະຊາດ ແລະ ອຶ່ນໆ. ສ່ວນປະເທດຄູ່ການຄ້າທີ່ສຳຄັນມີ: ຈີນ, ສ.ເກົາຫລີ, ອາຊຽນ, ສ.ອາເມລິກ, ສະຫະພາບເອີຣົບ, ຍີ່ປຸ່ນ.
ຫວຽດນາມ ຍັງໄດ້ຮັບຄວາມນິຍົມ ຈາກນັກທ່ອງທ່ຽວ ທັງພາຍໃນ ແລະ ຕ່າງປະເທດ ຍ້ອນຄວາມສວຍງາມທາງທຳມະຊາດ ແລະ ສະຖານທີ່ ທາງປະຫວັດສາດ ຫລາຍແຫ່ງ ແຕ່ເໜືອຕະຫລອດໃຕ້ ເປັນຕົ້ນ ຢູ່ ນະຄອນຫລວງ ຮ່າໂນ້ຍ ໂດຍສະເພາະ ສຸສານປະທານໂຮ່ຈີມິງ, ພິພິທະພັນໂຮ່ຈີມິງ ແລະ ຍັງມີ ອ່າວຮ່າລອງ, ສະປາອື່ນໆ, ນອກນີ້ ຍັງມີເມືອງເຮ້ວ; ເມືອງດານັງ; ເມືອງໂຮ້ຍອານ; ເມືອງຍາຈາງ; ເມືອງດາລາດ ແລະ ນະຄອນໂຮ່ຈີ່ມິງ ອື່ນໆອີກ.
ປະເທດ ຫວຽດນາມ ແລະ ປະເທດ ສປປລາວ ໄດ້ສ້າງຕັ້ງສາຍພົວພັນທາງການທູດຮ່ວມກັນ ເມື່ອວັນທີ 5.9.1962 ຕະຫລອດໄລຍະຜ່ານມາ ທັງສອງປະເທດອ້າຍນ້ອງ ໄດ້ມີການພົວພັນຮ່ວມມື ຢ່າງຮອບດ້ານ, ຊ່ວຍເຫລືອ ເຊິ່ງກັນ ແລະ ກັນ, ແລກປ່ຽນປະສົບການ ຢ່າງຕໍ່ເນື່ອງ ແລະ ຂະຫຍາຍຕົວ ຢ່າງບໍ່ຢຸດຢັ້ງ. ນັບແຕ່ປີ 1975 ມາຮອດປັດຈຸບັນ ສາຍພົວພັນ ຫວຽດນາມ-ລາວ ກ້າວເຂົ້າສູ່ໄລຍະໃໝ່ ໄລຍະການພົວພັນ ຮ່ວມມືຮອບ ດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງປະເທດ.
ຕະຫລອດໄລຍະຜ່ານມາ ເຖິງແມ່ນວ່າ ສະພາບການໃນໂລກ ແລະ ຢູ່ພາກພື້ນ ມີຫລາຍອັນປ່ຽນແປງສັບສົນ ບໍ່ວ່າຈະເປັນຄວາມຂັດແຍ່ງ, ໄພສົງຄາມ, ໄພພິບັດທາງທຳມະຊາດ, ນໍ້າຖ້ວມ, ພາຍຸຖະຫລົ່ມ ອຶ່ນໆ ກໍ່ຕາມ, ແຕ່ການພົວພັນ ມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດ ນາມ-ລາວ ຍັງຄົງນັບມື້ສະນິດຕິດແໜ້ນ, ພັດທະນາ ຢ່າງເລິກເຊິ່ງ ແລະ ກວ້າງຂວາງ , ບັນລຸປະສິດທິຜົນຢ່າງແທ້ຈິງ. ບັນດາກົນໄກ ການຮ່ວມມືສອງປະເທດ ພິເສດຢູ່ຂັ້ນສູງໄດ້ປັບປຸງ, ເສີມຂະຫຍາຍ ຢ່າງມີປະສິດທິຜົນ, ຊຸກຍູ້ການພົວພັນສອງປະເທດ ໃຫ້ນັບມື້ພັດທະນາ ແລະ ເຂົ້າສູ່ລ່ວງເລິກ, ການຮ່ວມມືທາງຊາຍແດນ, ການປ້ອງກັນ ຊາດ, ປ້ອງກັນຄວາມສະຫງົບ ໄດ້ຮັບການຊຸກຍູ້, ການຮ່ວມມືເສດຖະກິດ ລະຫວ່າງ ສອງປະເທດ ໄດ້ຮັບການພັດ ທະນາ ຢ່າງບໍ່ຢຸດຢັ້ງ.
ນອກຈາກນີ້ ສອງປະເທດ ຍັງພ້ອມກັນແບ່ງປັນຊ່ວຍເຫລືອ ເຊິ່ງກັນ ແລະ ກັນ ໂດຍມີຄວາມໝາຍຢ່າງໃຫຍ່ຫລວງ ໃນການພັດທະນາ ເສດຖະກິດ , ສັງຄົມ ກໍ່ຄື ນໍ້າໃຈຄວາມຮັກແພງ ຂອງປະຊາຊົນ 2 ປະເທດ ທີ່ ສະຫງວນໃຫ້ແກ່ກັນ ແລະ ກັນ ທີ່ນັບມື້ໄດ້ຮັບການປັບປຸງ. ນອກນີ້ ຍັງມີຄວາມຊ່ວຍເຫລືອຢ່າງຫລາກຫລາຍ ທີ່ຫວຽດນາມ ແລະ ລາວມອບໃຫ້ ເຊິ່ງກັນ ແລະ ກັນ ບໍ່ວ່າຈະເປັນ ດ້ານເສດຖະກິດ-ການຄ້າ, ການເມືອງ, ການເງິນ, ການສຶກສາ ແລະ ອຶ່ນໆ.
ໂດຍ:ດາວັນ
KPL
