ຂປລ
ຂປລ. ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງເຕືອນເຝົ້າລະວັງນໍ້າຖ້ວມຍຶ່ງ ໃນລະຫວ່າງວັນທີ 28-30 ສິງຫາ 2024 ສະບັບທີ 1 ຄື: ຮ່ອງຄວາມກົດດັນອາກາດຕໍ່າ ໄດ້ພາດຜ່ານເຂດພາກເໜືອ ແລະ ພາກກາງຂອງປະເທດລາວ, ສົມທົບກັບລົມມໍລະສຸມ ຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫລື້ອມໃນລະ ດັບຄ່ອຍ ຫາປານກາງຢູ່ໃນແຕ່ລະພາກ ແລະ ຈະຕົກໜັກຢູ່ບາງທ້ອງຖິ່ນ, ພ້ອມມີລົມພັດແຮງເປັນບາງໂອກາດ.
ຂປລ. ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງເຕືອນເຝົ້າລະວັງນໍ້າຖ້ວມຍຶ່ງ ໃນລະຫວ່າງວັນທີ 28-30 ສິງຫາ 2024 ສະບັບທີ 1 ຄື: ຮ່ອງຄວາມກົດດັນອາກາດຕໍ່າ ໄດ້ພາດຜ່ານເຂດພາກເໜືອ ແລະ ພາກກາງຂອງປະເທດລາວ, ສົມທົບກັບລົມມໍລະສຸມ ຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫລື້ອມໃນລະ ດັບຄ່ອຍ ຫາປານກາງຢູ່ໃນແຕ່ລະພາກ ແລະ ຈະຕົກໜັກຢູ່ບາງທ້ອງຖິ່ນ, ພ້ອມມີລົມພັດແຮງເປັນບາງໂອກາດ.
ເນື່ອງຈາກມີຝົນຕົກໃນລະດັບປານກາງ ຫາ ໜັກ ຕິດຕໍ່ກັນຫລາຍວັນຜ່ານມາ ໄດ້ເຮັດໃຫ້ລະ ດັບນໍ້າຢູ່ບັນດາສະຖານີຕາມລໍານໍ້າຂອງ ໃນຂອບເຂດນະຄອນຫລວງວຽງຈັນ(ນວ) ເພີ່ມຂຶ້ນສູງ ໂດຍສະ ເພາະສະຖານີວຽງຈັນ ກິໂລແມັດ 4 ເມືອງສີສັດຕະນາກ ນະຄອນຫລວງວຽງຈັນ ໄດ້ຂຶ້ນຮອດລະດັບ ເຕືອນໄພ ໃນເວລາ 12:00 ໂມງ ວັນທີ 28 ສິງຫາ 2024 ແທກໄດ້ 11,68 ແມັດ (ລະດັບນ້າເຂດເຕືອນໄພ 11,50 ແມັດ, ເຂດອັນຕະລາຍ 12,50 ແມັດ) ແລະ ຄາດວ່າໃນ ວັນທີ 29 ລະດັບນໍ້າຈະມີທ່າອ່ຽງເພີ່ມຂຶ້ນຕື່ມອີກ.
ດັ່ງນັ້ນ, ຈຶ່ງແຈ້ງເຕືອນເຖິງ ພໍ່ແມ່ປະຊາຊົນບັນດາເຜົ່າ ແລະ ອຳນາດການປົກຄອງທ້ອງຖິ່ນທຸກພາກສ່ວນ ທີ່ອາໄສຢູ່ຕາມແຄມແມ່ນໍ້າຂອງ ໃນນະຄອນຫລວງວຽງຈັນ ໂດຍສະເພາະເຂດພື້ນທີ່ຕໍ່າ ໃນຂອບເຂດເມືອງສີໂຄດຕະບອງ ເປັນຕົ້ນ ເຂດບ້ານໜອງດາ; ເມືອງສີສັດຕະນາກ; ເມືອງຫາດຊາຍຟອງ ເຂດບ້ານຫ້ອມ ຊຶ່ງເປັນເຂດທີ່ມີຊາຍແດນ ລຽບຕາມແຄມແມ່ນໍ້າຂອງ ຈົ່ງມີສະຕິເຝົ້າລະວັງນໍ້າຖ້ວມ ແລະ ສະພາບຝົນຍັງຈະສືບຕໍ່ຕົກຕື່ມອີກ ໃນໄລຍະວັນທີ 28-30 ສິງຫາ 2024, ໃຫ້ກຽມພ້ອມຮັບມືຕໍ່ສະພາບນໍ້າຖ້ວມຍຶ່ງ ທີ່ອາດຈະເກີດຂຶ້ນ, ພ້ອມທັງກະກຽມ ຍົກຍ້າຍວັນຖຸສິ່ງຂອງທີ່ມີຄ່າ ແລະ ສັດ ລ້ຽງໄປໄວ້ບ່ອນທີ່ປອດໄພ. ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນໍ້າ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.
ຂໍ້ມູນ: ກົມອຸຕຸນິຍົມ ແລະ ອຸທົກກະສາດ
KPL