ຂປລ
ຂປລ. ເມື່ອບໍ່ດົນມານີ້, ກະຊວງຍຸຕິທໍາ ຈັດກອງປະຊຸມປຶກສາຫາລືແກ້ໄຂຂໍ້ຄົງຄ້າງ ວຽກງານປະຕິບັດຄໍາຕັດສິນຂອງສານ ໂດຍການເປັນປະທານຂອງ ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທໍາ, ມີຫົວໜ້າກົມຄຸ້ມຄອງ ການປະຕິບັດຄໍາຕັດສີນຂອງສານ, ຫົວໜ້າຫ້ອງການ, ບັນດາກົມອ້ອມຂ້າງກະຊວງ, ພ້ອມດ້ວຍພະນັກງານ ປະຕິບັດຄໍາຕັດສີນຂອງສານ ທົ່ວນະຄອນຫລວງວຽງຈັນ ເຂົ້າຮ່ວມ ແລະ ຮັບຟັງການລາຍງານ ສະພາບການເຄື່ອນໄຫວ ວຽກງານການປະຕິບັດຄໍາຕັດສິນຂອງສານ ຢູ່ນະຄອນຫລວງວຽງຈັນ
ຂປລ. ເມື່ອບໍ່ດົນມານີ້, ກະຊວງຍຸຕິທໍາ ຈັດກອງປະຊຸມປຶກສາຫາລືແກ້ໄຂຂໍ້ຄົງຄ້າງ ວຽກງານປະຕິບັດຄໍາຕັດສິນຂອງສານ ໂດຍການເປັນປະທານຂອງ ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທໍາ, ມີຫົວໜ້າກົມຄຸ້ມຄອງ ການປະຕິບັດຄໍາຕັດສີນຂອງສານ, ຫົວໜ້າຫ້ອງການ, ບັນດາກົມອ້ອມຂ້າງກະຊວງ, ພ້ອມດ້ວຍພະນັກງານ ປະຕິບັດຄໍາຕັດສີນຂອງສານ ທົ່ວນະຄອນຫລວງວຽງຈັນ ເຂົ້າຮ່ວມ ແລະ ຮັບຟັງການລາຍງານ ສະພາບການເຄື່ອນໄຫວ ວຽກງານການປະຕິບັດຄໍາຕັດສິນຂອງສານ ຢູ່ນະຄອນຫລວງວຽງຈັນ ໄລຍະຜ່ານມາ ໂດຍສະເພາະບັນຫາທີ່ ເປັນສາເຫດ ແລະ ຂໍ້ຄົງຄ້າງຕ່າໆໆ ໃນການປະຕິບັດຄໍາຕັດສິນຂອງສານ.
ຈາກນັ້ນ, ຜູ້ເຂົ້າຮ່ວມກໍໄດ້ພ້ອມກັນຄົ້ນຄ້ວາ, ປຶກສາຫາລື, ປະກອບຄໍາຄິດເຫັນ ເພື່ອກໍານົດທິດທາງແກ້ ໄຂວຽກງານດັ່ງກ່າວ, ໃນຕໍ່ໜ້າໃຫ້ມີຜົນສຳເລັດເປັນກ້າວໆ.
ໂອກາດນີ້ ທ່ານ ໄພວີ ສີບົວລິພາ ໄດ້ເນັ້ນໜັກໃຫ້ຄະນະພັກ, ຄະນະນໍາຕະຫລອດຮອດພະນັກງານປະຕິ ບັດຄໍາຕັດສິນຂອງສານຂອງກົມກອງ ແລະ ຫ້ອງປະຕິບັດຄໍາຕັດສິນຂອງສານ ຕ້ອງມີຄວາມຮັບຮູ້ເຂົ້າໃຈ ເຖິງຄວາມໝາຍຄວາມສໍາຄັນ ຂອງໜ້າທີ່ການເມືອງທີ່ພັກ, ລັດ ໄດ້ມອບໝາຍໃຫ້, ກໍາໃຫ້ໄດ້ພາລະບົດບາດ, ໜ້າທີ່ຄວາມຮັບຜິດຊອບຂອງຕົນຢ່າງໜັກແໜ້ນ ເປັນເຈົ້າການຜັນຂະຫຍາຍທິດຊີ້ນໍາຂອງຂັ້ນເທິງ, ກົດໝາຍ ແລະ ບັນ ດານິຕິກໍາທີ່ກະຊວງຍຸຕິທໍາ ໄດ້ກໍານົດອອກໃນແຕ່ລະໄລຍະ ໃຫ້ມີປະສິດຕິຜົນ, ປັບປຸງແບບແຜນວິທີເຮັດໃຫ້ສອດຄ່ອງ ຕາມລະບົບກົງຈັກການຈັດຕັ້ງ ກໍຄື ພາລະບົດບາດໃໝ່, ເພີ່ມຄວາມເອົາໃຈໃສ່ຕໍ່ວຽກງານກວດກາພາຍໃນ ໃຫ້ມີຄວາມເຂັ້ມແຂງ, ເປັນເຈົ້າການແກ້ໄຂບັນຫາ ຂໍ້ຄົງຄ້າງຕ່າງໆໃຫ້ໝົດໄປ, ເພີ່ມຂີດຄວາມສາມາດຂອງພະນັກງານ ປະຕິບັດຄໍາຕັດສິນຂອງສານ ໃນການນໍາເອົາຄໍາຕັດສິນ ອອກມາຈັດຕັ້ງປະຕິບັດ ໃຫ້ສໍາເລັດຢ່າງເຂັ້ມງວດ, ເດັດຂາດ ວ່ອງໄວ, ໂປ່ງໃສ ແລະ ຍຸຕິທໍາ.
KPL
