ຂປລ
ຂປລ. ເມື່ອບໍ່ດົນມານີ້, ຄະນະຮັບຜິດຊອບລົງກວດກາ ແລະ ລົບລ້າງກຸ່ມແກ້ງສໍ້ໂກງທາງໂທລະຄົມ ຂ້າມຊາດ ຢູ່ເຂດເສດຖະກິດພິເສດສາມຫລ່ຽມຄໍາ ເມືອງຕົ້ນຜິ້ງ ແຂວງບໍ່ແກ້ວ ໄດ້ຈັດກອງປະຊຸມ ສະຫລຸບຜົນການລົງກວດກາ ແລະ ລົບລ້າງກຸ່ມແກ້ງສໍ້ໂກງ ທາງໂທລະຄົມຂ້າມຊາດ ຢູ່ເຂດເສດຖະກິດພິເສດສາມຫລ່ຽມຄໍາ ໂດຍມີ ທ່ານ ພົຕ ສາຍໃຈ ກົມມະສິດ ຮອງເຈົ້າແຂວງບໍ່ແກ້ວ, ຜູ້ຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບ, ມີສະພາບໍລິຫານເສດຖະກິດພິເສດສາມຫລ່ຽມຄໍາ, ພ້ອມດ້ວຍຂະແໜງການທີ່ກ່ຽວຂ້ອງ, ກໍາລັງປ້ອງກັນຊາດ-ປ້ອງກັນ ຄວາມສະຫງົບ ເຂົ້າຮ່ວມ
ຂປລ. ເມື່ອບໍ່ດົນມານີ້, ຄະນະຮັບຜິດຊອບລົງກວດກາ ແລະ ລົບລ້າງກຸ່ມແກ້ງສໍ້ໂກງທາງໂທລະຄົມ ຂ້າມຊາດ ຢູ່ເຂດເສດຖະກິດພິເສດສາມຫລ່ຽມຄໍາ ເມືອງຕົ້ນຜິ້ງ ແຂວງບໍ່ແກ້ວ ໄດ້ຈັດກອງປະຊຸມ ສະຫລຸບຜົນການລົງກວດກາ ແລະ ລົບລ້າງກຸ່ມແກ້ງສໍ້ໂກງ ທາງໂທລະຄົມຂ້າມຊາດ ຢູ່ເຂດເສດຖະກິດພິເສດສາມຫລ່ຽມຄໍາ ໂດຍມີ ທ່ານ ພົຕ ສາຍໃຈ ກົມມະສິດ ຮອງເຈົ້າແຂວງບໍ່ແກ້ວ, ຜູ້ຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບ, ມີສະພາບໍລິຫານເສດຖະກິດພິເສດສາມຫລ່ຽມຄໍາ, ພ້ອມດ້ວຍຂະແໜງການທີ່ກ່ຽວຂ້ອງ, ກໍາລັງປ້ອງກັນຊາດ-ປ້ອງກັນ ຄວາມສະຫງົບ ເຂົ້າຮ່ວມ ເຊິ່ງການລົງກວດກາຄັ້ງນີ້ ເປັນຄັ້ງທີ 11 ເລີ່ມປະຕິບັດການ ມາແຕ່ວັນທີ 26-29 ສິງຫາ 2024.
ທ່ານ ບຸນທອງ ແສງສີກອງ ຫົວໜ້າຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ໄດ້ໃຫ້ຮູ້ວ່າ: ການລົງກວດກາ ແລະ ລົບລ້າງກຸ່ມແກ້ງສໍ້ໂກງທາງໂທລະຄົມ ຂ້າມຊາດ ຢູ່ເຂດເສດຖະກິດພິເສດສາມຫລ່ຽມຄໍາ ຄັ້ງນີ້ ແມ່ນໄດ້ລົງກວດກາຢູ່ 46 ຫົວໜ່ວຍທຸລະກິດ. ຜ່ານການລົງກວດກາ ຕົວຈິງ ສ່ວນຫລາຍແມ່ນ ບໍ່ພົບເຈົ້າຂອງຫົວໜ່ວຍທຸລະກິດ, ແຕ່ສາມາດກວດພົບ ແລະ ຢຶດຂອງກາງ ກໍຄື ອຸປະກອນທີ່ນຳໃຊ້ເຂົ້າໃນ ການເຄື່ອນໄຫວສໍ້ໂກງທາງໂທລະຄົມ ໄດ້ເປັນຈຳນວນຫລາຍ ເປັນຕົ້ນ ຄອມພິວເຕີຕັ້ງໂຕະ 10.288 ເຄື່ອງ, ໂນດບຸກ 189 ເຄື່ອງ, ໂທລະສັບມືຖື 11.063 ເຄື່ອງ, ອຸປະກອນຮັບ-ສົ່ງສັນຍານ 2.702 ຊຸດ, ເຄື່ອງພິມເອກະສານ(ປິນເຕີ) 17 ເຄື່ອງ, ເງິນສົດ 710 ຢວນ, ຕູ້ເຊບ 189 ໜ່ວຍ, ໂຕະ 3.040 ໜ່ວຍ, ຕັ້ງອີ້ 16.934 ໜ່ວຍ, ຕຸ້ເຢັນ 20 ໜ່ວຍ, ຕູ້ນໍ້າຮ້ອນ-ເຢັນ 17 ໜ່ວຍ, ແອເຢັນ 14 ໜ່ວຍ, ພັດລົມ 9 ໜ່ວຍ, ໂຊຟາ 7 ໜ່ວຍ, ລໍາໂພງ 5 ໜ່ວຍ, ລົດເກັງ 1 ຄັນ. ສຳລັບ ຂອງກາງທີ່ຢຶດໄດ້ ຄະນະຮັບຜິດຊອບ ໄດ້ເຮັດບົດບັນທຶກ ແລະ ອາຍັດ ໂດຍຮູບການໃຊ້ກະແຈລ໋ອກປະຕູ ເຂົ້າ-ອອກ ບໍລິເວນສະຖານທີ່ ທີ່ລົງກວດກາ.
ສຳລັບ ບໍລິສັດ ບໍລິຫານຈັດການໄຊເບີລາວ ຈໍາກັດ ຫລື LCM ແມ່ນແນະນໍາໃຫ້ປະກອບເອກະສານ ແລະ ເປັນຕົວແທນປະສານງານ ການຄຸ້ມຄອງບໍລິຫານບັນດາບໍລິສັດ ທີ່ໄດ້ຂຶ້ນທະບຽນກິດຈະການເກມອອນລາຍ ຫລື ການພະນັນອອນລາຍ ແມ່ນໃຫ້ກໍານົດສະຖານທີ່ ແລະ ເວລາ, ໃຫ້ມາແຈ້ງບັນຊີ, ຂໍ້ມູນລະອຽດຂອງບັນດາບໍລິສັດ ທີ່ຂຶ້ນກັບ 16 ບໍລິສັດແມ່ ແລະ 75 ສາຂາຍ່ອຍ ທີ່ຂຶ້ນກັບ 9 ບໍລິສັດແມ່ ເປັນຕົ້ນ ຊື່ຕຶກ, ຊັ້ນ, ເບີຫ້ອງ, ຈໍານວນຫ້ອງ, ອຸປະກອນເຮັດວຽກ, ຄອມພິວເຕີ, ໂນດບຸກ, ມືຖື, ໂຕະ, ຕັ່ງ, ເຄື່ອງຮັບສັນຍານເນັດ, ເບີໂທ, ຊິມໂທຕ່າງໆ ແລະ ຈໍານວນແຮງງານ ແຕ່ລະສັນຊາດຢ່າງລະອຽດ.
ຂໍ້ມູນ-ພາບ: ໜັງສືພິມຄວາມສະຫງົບ
KPL
