ຂປລ
ປະເທດສາທາ ລະນະລັດ ກູເວດ (Republic of Kuwait) ຫລື ເອີ້ນວ່າ ກູເວດ(Kuwait), ມີນະ ຄອນຫລວງຊື່ວ່າ: ກູເວດ(Kuwait) ແລະ ປະເທດສປປລາວ ໄດ້ສ້າງຕັ້ງສາຍພົວພັນ ທາງການທູດຮ່ວມກັນ ໃນວັນທີ 14.7.2008. ເຖິງແມ່ນວ່າ ບໍ່ຍາວນານ ແຕ່ການຮ່ວມມື ຂອງສອງປະເທດ ໄດ້ຮັບພັດທະນາຂື້ນ ຢ່າງບໍ່ຢຸດຢັ້ງ. ກູເວດ ເປັນປະເທດຕັ້ງຢູ່ ໃນທະວີບອາຊີຕາເວັນຕົກ ສ່ຽງໃຕ້ ທີ່ ເອີ້ນກັນວ່າ “ຕາເວັນອອກກາງ” ຕັ້ງຢູ່ແຄມຝັ່ງ ອ່າວເປີເຊຍ ມີຊາຍແດນ ທາງໃຕ້ຕິດກັບ ອາຣັບບີ ຊາອຸດິດ ແລະ ທາງເໜືອຕິດກັບປະເທດ ອີຣັກ.
ປະເທດສາທາ ລະນະລັດ ກູເວດ (Republic of Kuwait) ຫລື ເອີ້ນວ່າ ກູເວດ(Kuwait), ມີນະ ຄອນຫລວງຊື່ວ່າ: ກູເວດ(Kuwait) ແລະ ປະເທດສປປລາວ ໄດ້ສ້າງຕັ້ງສາຍພົວພັນ ທາງການທູດຮ່ວມກັນ ໃນວັນທີ 14.7.2008. ເຖິງແມ່ນວ່າ ບໍ່ຍາວນານ ແຕ່ການຮ່ວມມື ຂອງສອງປະເທດ ໄດ້ຮັບພັດທະນາຂື້ນ ຢ່າງບໍ່ຢຸດຢັ້ງ. ກູເວດ ເປັນປະເທດຕັ້ງຢູ່ ໃນທະວີບອາຊີຕາເວັນຕົກ ສ່ຽງໃຕ້ ທີ່ ເອີ້ນກັນວ່າ “ຕາເວັນອອກກາງ” ຕັ້ງຢູ່ແຄມຝັ່ງ ອ່າວເປີເຊຍ ມີຊາຍແດນ ທາງໃຕ້ຕິດກັບ ອາຣັບບີ ຊາອຸດິດ ແລະ ທາງເໜືອຕິດກັບປະເທດ ອີຣັກ. ມີເນື້ອທີ່17,820 ກິໂລຕາແມັດ, ກວມເອົາປະຊາກອນ 4,269 ລ້ານຄົນ(ໃນປີ2022); ໃຊ້ພາສາອາຣັບ ແລະ ພາສາອັງກິດ ເປັນພາສາທາງການ; ສະກຸນເງິນແມ່ນ ກູເວດ ດີນາ(Kuwait Dinar/KWD). ປະຊາຊົນສ່ວນໃຫຍ່ ນັບຖືສາສະໜາ ອິສລາມ ເປັນສາສະ ໜາປະຈຳຊາດ.
ກູເວດ ເປັນປະເທດທີ່ມີ ຖານເສດຖະກິດ ເຂັ້ມແຂງ ແລະ ລ້ຳລວຍຈາກ ການສົ່ງອອກ ນ້ຳມັນດີບ ແລະ ແກັສທຳມະຊາດ, ລາຍໄດ້ຂອງລັດ ສ່ວນໃຫຍ່ ຂຶ້ນຢູ່ກັບ ນໍ້າມັນ ແລະ ອຸດສາຫະກຳ ເປັນຫລັກ, ມີສັກກາຍະພາບ ທາງເສດຖະກິດ ທາງດ້ານການຄ້າ ແລະ ການລົງທຶນ. ເນື່ອງຈາກ ພື້ນຖານໂຄງລ່າງ ທາງອຸດສາຫະກຳ ສ່ວນໃຫຍ່ ເປັນອຸດສາຫະກຳ ປິໂຕຣເຄມີ, ຂະນະທີ່ ພາກການຜະລິດອື່ນໆ ມີປະມານ 7% ຂອງ ຈີດີພີ ເຮັດໃຫ້ ກູເວດ ຕ້ອງ ເພີ່ງພາ ການນໍາເຂົ້າສິນຄ້າ ຈາກຕ່າງປະເທດ ເກືອບທັງໝົດ ໂດຍສະເພາະ ສິນຄ້າ ອຸປະໂພກ ບໍລິໂພກ. ເຮັດໃຫ້ ລວມຍອດຜະລິດຕະພັນພາຍໃນ (GDP) 175,4 ຕື້ໂດລາ ສະຫະລັດ (ໃນປີ 2022); ສະເລ່ຍຕໍ່ຫົວຄົນ 41 ພັນກວ່າໂດລາສະຫະລັດຕໍ່ປີ; ອັດຕາຈະເລີນເຕີບໂຕ ທາງດ້ານເສດຖະກິດ 8,9% ຕໍ່ປີ. ສິນຄ້າທີ່ສົ່ງອອກ ລວມມີ: ນ້ຳມັນ ແລະ ຜະລິດຕະພັນ ຈາກນ້ຳມັນ, ປຸ໋ຍ; ສິນຄ້າທີ່ນຳເຂົ້າເຊັ່ນ: ອາຫານ, ວັດສະດຸກໍ່ສ້າງ, ລົດ, ເຄື່ອງອາໄຫລ່ ແລະ ເຄື່ອງນຸ່ງຫົ່ມອື່ນໆ. ສ່ວນຄູ່ການຄ້າ ທີ່ສຳຄັນເປັນຕົ້ນ ແມ່ນ ສ.ເກົາຫລີ, ອິນເດຍ, ຍີ່ປຸ່ນ, ສ.ອາເມລິກາ, ຈີນ, ເຢຍລະມັນ ອື່ນໆ ຕາມລຳດັບ. ນອກນີ້ ຍັງມີສະຖານທີ່ທ່ອງທ່ຽວ ສຳຄັນຫລາຍແຫ່ງເປັນຕົ້ນຫໍຄອຍສູງທີ່ສຸດ 187 ແມັດ ເປັນສັນຍາລັກຂອງປະເທດ;ໄຊອັນທິຟິກເຊັນເຕີເປັນສູນກາງ ການຮຽນຮູ້ທາງວິທະຍາສາດ ແຫ່ງກູເວດ ທັງເປັນສະຖານທີ່ທ່ອງທ່ຽວຢ່າງແທ້ຈິງ ເນື່ອງຈາກ ຖືກອອກແບບມາເປັນ ແຫລ່ງຄວາມຮູ້ ແລະ ຄວາມບັນເທິງຢ່າງຄົບວົງຈອນ ແລະ ອື່ນໆ./.
ໂດຍ:ດາວັນ
KPL
